罗毓仪和林俊其（Chris）同龄29岁，在《女神配对计划》成功配对后经常高调放闪，早前已见过对方家长，似乎好事近。罗毓仪趁中秋佳节到林俊屋企食饭，之后开直播，罗毓仪大赞林妈妈厨艺了得：“Chris煮嘢食咁有天份，整咖啡又有返咁上下，主要系遗传自Auntie煮嘢好好食，简直就系《暴君的厨师》嘅‘待领熟手’级数厨艺，之前Chris整过嘢俾我食，本身都几好，食过Auntie煮嘅，觉得你可以再进步啲。”

罗毓仪赞林妈妈超Nice，林俊其则爆妈妈平时无咁主动，但对女友特别好，他说：“佢好少咁E（外向型人格），第一次见佢咁主动夹劲多𩠌俾你，本来个碗冇乜嘢，一望过去，继续夹，我话得嘞，夹俾我啦”。当罗毓仪问及林俊其妈妈对自己的第一印象时，林俊其透露妈妈反而给了他不少意见，续说：“妈咪叫我听多啲人讲嘢，唔好成日谂自己，多啲分享吓自己，因为我成日会收埋自己，无论对屋企、朋友、女朋友都系，跟住佢话多啲同Yuki倾吓偈，个人都开心啲。”罗毓仪听后即大赞“Auntie神助攻！”

其实林俊其早一日已到罗毓仪屋企见过家长，罗毓仪表示父母没有对林俊其有特别评价，只要她开心便可以。罗毓仪笑指男友与爸爸好合拍，同样喜欢下厨及拍照。林俊其接著分享与罗爸爸的相处情况，“系，因好钟意讲历史，跟住呢，你知男人好钟意讲旧时，佢讲完旧时之后，我都讲旧时，劲好笑，两个长气男人不断讲讲讲。”罗妈妈也非常喜欢林俊其，就连女儿责怪男友迟到，罗妈妈亦帮口护航。

罗毓仪事后在IG贴出与林俊其的合照，并分享见家长心得，“1. 要得家长欢心首先要懂得烧肉🤤 2. 保持猫猫嘴嘅笑容 0w0 3. 准时😈”。当有网民问及林俊其见家长当日出了甚么四字金句时，罗毓仪则回复说：“有！虚张声势讲咗做张声作势∠( ᐛ ”∠)＿”，可能真的太紧张。