著名编剧邹凯光又名“滩叔”，除了早年与吴君如在商台主持清谈节目《哗哗哗打到嚟》外，他与余迪伟、阿Bu（姚家豪）主持的《一八七二游花园》也甚受欢迎。近年他与《一八七二》原班人马转战阿Bu旗下网台100毛开咪，节目《三叔公园》于YouTube达到19万订阅。适逢昨晚（14日）是亚洲杯外围赛分组赛“香港对战孟加拉”，逾四万五千名球迷齐集启德体育园撑港队，一票难求，不过日前滩叔却在节目中说到自己不会花五百元买门票入场，理由是：“咁环境梗系人哋叫你型啲啦！”其言论激怒一名“园宾”（三叔公园会员暱称）发长文力数不是，更表明要退订阅。

节录滩叔与余迪伟的对话：

滩叔：我冇飞啊，我都话，如果边个有飞听晚去睇叫我去睇，我咪跟佢去睇。我可以问下斌仔嘅，但系又好似好赶咁，last minute先问人有冇飞啊，咁咪睇下听日有咩方法啰。

余迪伟：你唔早啲讲，之前有人叫过我㖞。有冇friend去，有飞可以买。

滩叔：咁我要都可以问到，咁梗系唔买啦呢啲！咁环境梗系人哋叫你型啲啦。

余迪伟：$500一张之嘛。

滩叔：唔系钱嘅问题，呢啲时间，梗系今日有两张飞叫我去㖞！讲出嚟型啲嘛。今晚睇波？系啊！我畀$500买，咁好正常啊件事！

余迪伟：痴线！

滩叔（留言）：“支持港队，两旧水都唔愿意畀咁多歪理。”

滩叔：Sorry啊，港队今次对𠮶度系孟加拉嘛，咁孟加拉系十蚊兜，十蚊兜。几旧水我真系唔舍得㗎㖞，十蚊兜，十蚊兜，踢20次先赢两旧水啊，畀下面啦大佬。

有粉丝听到滩叔在节目直播中提到昨晚（14日）的球赛，但却表示自己不愿意花钱入场看，要有人邀请才会去。粉丝指滩叔是在找借口，指“唔系钱问题”，而是有人邀请他去会“型啲”，更谓：“我每月80蚊订阅加埋都成39个月，加埋都几千蚊， 为咗支持本地用心制作既节目，球迷咁热血，你就话‘唔想俾钱呀嘛’”因此他决定要退订阅，不再付费支持这个节目。”

之后有网民留言附和：“佢不嬲把口都系咁，唔明点解咁多人由电台到网台都咁钟意听1872，成个节目得迪伟讲嘢稍为正常少少”、“邹凯光呢D老饼心态已经好过时，以为自己系边位，要请佢去先睇？”、“佢最好唔好去，留返张飞比真系想睇嘅人，佢边个呀当自己系上宾wfc”不过也有人表示，“其实我再睇返我觉得你对佢有啲唔公平，好多人会因为你咁样cap佢一句，觉得佢真系踩本地波，而冇听佢平时讲嘅嘢。如果你真系听得佢耐，你唔会唔知佢其实好多啲唔系好多人入场嘅场次，佢都会入场㖞，而且系好多年都系咁，系讲紧撑本地波撑足廿几30年，点解呢啲你唔讲？捉佢一句说话然后公审佢，我觉得佢好惨。”

粉丝发文的全文如下：

身为1872游花园到而家既老听众，听到呢D言论真系非常感慨，岩岩邹凯光喺直播节目入面表示如果边个有飞叫我去睇香港队，咪跟去睇啰话唔系钱既问题呀，呢D时间梗系有人叫我去有型D表示港队呢次系对孟加拉丫嘛，真系唔想俾钱呀嘛我每月80蚊订阅加埋都成39个月，加埋都几千蚊，为咗支持本地用心制作既节目球迷咁热血，你就话“唔想俾钱呀嘛”，仲话“唔系钱问题，梗系有人叫我去有型D”？有型D系咁？

支持港队唔系应该买飞入场，衬（趁）机推广本地足球咩？讲真，买唔到飞去睇，唔得闲，呢D理由真系冇所谓，每个人都有自己既行程若真如其所说“唔系钱既问题”，就更应以实际行动支持港队例如购买港队周边等等声称“有人叫我去有型D”只是推卸责任既借口对孟加拉既比赛并非咁“不值一睇”，而系港队争取亚洲杯资格既重要一步用呢个态度去轻视场波，忽视港队球员喺国际赛场上既进步，忽视球员喺赛场既付出，上场就叶鸿辉勇战受伤仍都无视球迷对主场气氛既期待平时你买马买场WP都200，但就200蚊都唔入场睇我而家就退宾，同样都唔系钱既问题，你咁看待人地既付出，咁我都只可以用同样既眼光去看待你。