谢君豪瓣数越来越多，更忙完幕前再忙幕后，上年策划演员选秀节目《选角》，今年又监制剧集《光明大押》，演而优则监。笑称自己够“资深”的他，年届62岁才踏入幕后工作，原来只为帮后辈，谢君豪在接受访问时说：“我嘅目的系建立一个平台，等多啲演员可以机会见吓观众，剧又好、《选角》又好，尽可能帮到几多就几多。”今年他更荣获艺术家年奖，深知自己多得老师传授才渐渐独当一面，谢君豪现时非常著重帮助后辈，“我哋系要帮啲年青人，帮到佢亦都系帮到香港嘅演艺行业！”成为了他的使命。

难忘为演《焚城》消防员操到呕

较早前，谢君豪、黄智雯联同张振朗出席“恒基x博爱中环海滨慈善跑2026”记者招待会，今年亦是谢君豪更多接触慈善工作的一年，谢君豪指：“今年开始㗎，慈善嘢系要做嘅，做演员又好艺人又好，都要回馈社会，畀啲正能量出嚟帮助人。今次好好，慈善跑喺中环，中环又好靓，唔止系就咁跑，亦有伤健共融理念，有轮椅组，小朋友、长者又可以跑，我觉得好好！有1K！我就以1K为目标，一路追，追到几多K就几多K。 ”

虽然作为资深演员年届62岁，但谢君豪仍然著重操弗自己，以维持在舞台上的体力，“其实我哋做（舞）台，一定要keep住自己状态，例如同Ivana（王菀之）套舞台剧《天色》，有好多嘢要讲，咁条气就好紧要！所以我都有跑㗎，喺楼下公园跑，又喺屋企跑‘超慢跑’，听讲发哥（周润发）都跑呢只。”

问到他最印象深刻的一次幕前体力劳动？他立即道：“《焚城》！孭啲gear真系好重！拍𠮶时系夏天，著埋啲黄金战衣加埋gear，唔系玩㗎！所以要练返，唔好话大唔大只，起码要练返个体能先。（属入行以来最辛苦？）都甘㗎，我少拍武打片，系应该唔会揾我拍武打片㗎嘛？哈哈！”他更自爆曾经对自己有怀疑：“消防员？得唔得㗎？好少人会揾我做，但原来得㗎㖞！开头做训练做到呕呀，但都几好玩嘅。”

获“艺术家年奖”矢志以授徒为己任

今年谢君豪获颁“艺术家年奖（戏剧界别）”，可算演艺行业其中一个最大肯定，他谦称：“真系开心、感激、心存感恩，你系有年资，但唔系必然。大会畀咗你，你要多谢，其实我都谂，做咗咁耐咁多年，有冇奖都好，更加要将学到嘅嘢同埋经验可以同后生仔分享。”他矢志以传授为己任，策划演员选秀节目《选角》之后亦未有停下来，“真系开班教，或者倾偈都得！我又钟意倾戏剧，如果有人问到我，我都好乐意分享我啲嘢，啱使嘅就随便攞去使。因为香港需要传承，King Sir（钟景辉）教咗我咁多嘢，我冇理由走咗就算，我哋系要帮啲年青人，帮到佢亦都系帮到香港嘅演艺行业。”

他笑指，不时都有人面对演戏上的奇难杂症，更有些有趣的例子，“我记得有个人，唔开名啦！佢问做律师点讲对白，好长对白㖞，就打电话嚟问我有咩意见，我就帮手睇吓，大家倾吓偈啰。又有人问：‘呢场戏要情绪崩溃㖞！点搞呀？’有好多奇难杂症！我都觉得过瘾、有成功感，畀我又会点做呢？我就同佢一齐谂。”

坦然接受负评逐条细睇

今年他又踏足幕后新岗位，监制剧集《光明大押》，目的亦如一，谢君豪：“我嘅目的系建立一个平台，等多啲演员可以机会见吓观众，剧又好、《选角》又好，尽可能帮到几多就几多。 我做开戏，行政上嘅嘢有时我都唔系好识，就揾人帮手啰，我都学嘢。做戏净系谂个角色，做监制就要谂好多嘢，几点放饭都问你呀！都明白好多幕后人员嘅苦况，谂嘢会扩阔啲。”经过这宝贵的第一次，谢君豪都有好好检讨自己的不足，“今次我系时间唔够，要多得朋友帮手，如果我真系再做，就唔可以再做咁多嘢，系因为有其他戏跟身，冇得全天候参与 ……我前期嘅参与系想多啲嘅。下次如果可以，前前后后都要（跟足）。”

得知外间对《光明大押》评价正反皆有，他又接受当中负面批评吗？他立即著紧地道：“其实有朋友提出意见，每一条我都有睇！有啲我知嘅，但冇办法，有时又有条件限制，而家已经系我哋最好嘅选择。我都知观众有意见，唔紧要，我哋全个团队承担。要好老实面对观众，亦都要好老实接受观众意见。人哋有意见一定要听！做戏一样，有人赞有人闹，每个人都可以批评你，系啱嘅。上台就系要接受呢样嘢，坦然接受，中肯嘅评价就攞嚟做自己嘅营养。”刚完成了与王菀之的舞台剧《天色》香港站，接下来谢君豪仍有排忙，“舞台剧去唔同城市巡回，下个月又有电影，完咗电影，出年一月又有下round巡回，好丰富！之后就收炉喇！跟住又有舞台剧喇！已经计划好晒。”谢君豪说起来中气十足，看来勤运动，确实有助他保持魄力忙个不停。