黎振烨于2020年因与朱智贤发生“车厢食蛋糕”事件，而被无线（TVB）雪藏，至去年终于完约，回复自由身。新年黎振烨被拍得担任保安工作，据知为杨证桦主动为他提供工作机会。今日（17/10）港台微短剧《抗战》记者会中，黎振烨接受《香港01》访问时，就分享了多年来的心路历程。

黎振烨说：“今年好似过山车咁，我都明白，屈指一算都5年啦冇拍过嘢，今年突然间有啲改变，你都知我帮启德体育园𠮶边做，我谂做嘅时间，令到人记得我，咁我又可以转折咁拍返嘢，所以我好感恩。（算系好开始）系呀，开始到就好好㗎啦。”

由演员做到变保安，会不会感到不适应？黎振烨回答：“都系用汗水、体力嚟做嘅工作，我觉得又冇乜好介怀。大家都明白一样嘢，影视界有几多工作，其实要咁样挨嘅唔止我一个，再加埋以前我读书学过一句：有子荷戈庶无愧，为人推毂亦复佳，意思就系，用汗水换取工作得返嚟嘅，用嚟维持人生，其实冇咩好惭愧。”

家人怎么看待黎振烨“转工”？他又回答，太太相当支持，也不介意，更指比他本人更担心他面对观众。黎振烨表示：“首先屋企人冇任何负面睇法，佢哋知道我出嚟工作，知道系证桦揾我帮手，咁一定要帮啦，佢哋唔会介意。佢哋反而惊我介意，反而仲系支持我谂法同情绪多啲。”回忆起上班的第一日，黎振烨表示杨证桦安排他去五月天演唱会的二，三楼工作，较少人的位置工作。“呢个我好印象深刻，𠮶阵时系五月天。有个观众同朋友早少少走，佢同我影完相走，但系佢返转头拍一拍我膊头话：‘我妈咪好钟意你，你加油。’咁我就释怀咗。”

收入方面会否与以前相差很多？黎振烨没有正面回答，坦言：“还可以嘅，自己食少啲冇所谓，最紧要小朋友。（带饭盒？）咁又唔会，我不嬲饮食都好清，譬如晏昼可以食两条番薯或者两只鸡蛋，朝早又做吓运动，所以我个人都几抵养。我一向好景唔好景都系食咁多，最紧要系佢哋食得好啲。（惯咗？）粗生粗养，哈哈，大家都明，打份工啫，够食就得啰。”