陈伟霆（William）今日（18日）惊爆喜讯，他无预警宣布与中国超模何穗已升呢为父母，并分享一系列照片，包括BB超声波相及各自抱B的温馨照片，并附上留言“爸爸、妈妈还有他”，瞬间引发网民热议。据悉，二人于2021年8月被拍到一同回爱巢，恋情因而曝光，其后曾传出分手及复合的消息，如今突然宣布生B，令不少人大感意外。

黄宗泽今日现身将军澳出席护肤品牌活动。对于好友陈伟霆惊爆生子，黄宗泽接受《香港01》访问时表示：“我头先睇到报道先知，头先我过紧嚟活动嘅路程上，我先传个短讯恭喜佢，跟住佢就回复我多谢。佢真系劲㖞，估唔到佢收得咁埋，我仲同佢讲加油，畀心机做老窦。”

黄宗泽续说：“其实我同佢都好耐冇见，但我同佢都有保持联络嘅。（佢同身边朋友都冇透露过？）讲真我又未至于成日都会见到佢，都只系工作上撞到佢。（有冇见过佢女友？）有见过佢喺舞台度，但就冇直接交流倾过偈，而我同William冇一齐拍过戏，都只系一齐上过内地节目，又或者颁奖礼上碰面。”