黄宗泽今日（18/10）现身将军澳出席护肤品牌活动。黄宗泽接受《香港01》访问时自爆收到短讯有人出天价5亿出席饭局，令他大感意外，发觉原来自己人到中年，仍然有价有市。

黄宗泽表示：“我经理人就收到一啲关于工作上嘅接洽嘅讯息，对方表明自己嘅公司大小姐好仰慕我，想约我食餐饭，然后又讲自己嘅家老爷肯成婚就攞5亿畀我，同时又介绍大小姐23岁又系混血儿。当我睇到经理人畀我嘅内容，心谂咩料呀，同埋谂咩币值先。”

黄宗泽续说：“跟住我返到屋企将啲短讯内容畀我阿妈睇，我阿妈好认真咁讲咁好，原来你咁贵㗎有5亿美金，我就话梗系唔系啦！我阿妈话乜唔系美金咩？所以呢单嘢对我嚟讲系几好笑嘅。以前成日睇到新闻，话边个去饭局，估唔到自己终于会遇到，发觉原来自己系有价，哈哈。”