由林志华监制，郭晋安、陈晓华、罗兰、罗子溢、龚慈恩领衔主演的无线剧集《金式森林》热播中。今日（19/10）剧中演员齐出席宣传活动，郭晋安和陈晓华更上演一场梦中的婚礼，在演员们的祝福下行婚礼，十分浪漫！

陈晓华接受《香港01》访问时，对于在《金式森林》担任重要角色，她感到十分幸运：“最幸运嘅系，可以同安哥（郭晋安）、罗子溢、龚姐（龚慈恩）同埋罗兰姐合作，我觉得一套剧有一个大前辈带住自己真系有一种进步神速嘅感觉。”她坦言，自己能在压力中成长。

剧中陈晓华与郭晋安饰演忘年恋情侣，她直言拍摄时已爱上了郭晋安。“一开始我好惊，话晒都系一个大前辈，我细细个系睇佢哋嘅剧大，仲要做情侣。我都会担心自己做得唔好，系咪真系似情侣？后来发现其实唔使担心咁多，因为忘年恋本来就唔系轰烈𠮶种，反而系更加有灵魂嘅爱情。（钟意咗佢？）一定要钟意！哈哈哈，因为我自己冇谂过安哥系咁爸爸feel嘅人，所以呢套我哋经历嘅，都系幸福满满嘅过程。呢套剧，林澄一定系超爱超爱方仰天。”

何依婷在《金式森林》饰演邝善荃，早前播出的一集中更穿起喱士内衣色诱罗子溢，睇到观众热血沸腾！何依婷：“佢（老公）有一齐睇，呢啲场口反而冇乜嘢。（有冇呷醋？）冇呀，佢比较睇得开同大方，佢好支持我。”

访问中，她笑言自己怀孕时，老公“发福”了不少，两人更相约等她“卸货”后一齐减肥：“我最近瘦返好多，掀起个肚俾佢睇嘅时候，佢话：‘你咁快嘅？我仲未开始减。’反而佢冇瘦到，愈嚟愈胀。”