现年40岁的林德信（Alex)今（22日）获邀出席时尚品牌活动，身穿黑色系服装佩戴金色饰物的他，相当有型，而他则扬言佩戴金色系饰物，皆因有风水师傅指他缺金，所以在接受访问时，提到自己是不是很迷信，他就表示：“以前我唔迷信嘅，但系近几年如果可以帮我都会尝试。我了解咗好似如果我戴多啲，风水师傅话要着多啲color嘅衫同埋要戴多啲金，所以今日就好舒服。”而他亦表示可能与年纪渐长有关，所以会更留意风水：“可能因为同年纪有关，人大个咗，了解多啲自己人生嘅时候，会开始留意到多啲嘢，就会开始听多啲嘢。（有冇喺屋企摆阵？）个啲我太太搞。”

另外，提到早前带着一家大小去支持爸爸林子祥及叶蒨文（Sally)的《白头到老WE ARE ONE世界巡回演唱会》，他就表示最难忘就是12号晚上的表演，因为当天正是林子祥的生日，一家人齐齐整整在舞台上为爸爸庆祝特别有意义：“我觉得首先好难得佢哋攞到个日子，因为红馆唔系咁简单，真系撞啱我爸爸生日。同埋今次我哋屋企嘅亲戚好齐，我阿妹由美国返嚟，对佢嚟讲都好难忘，因为我阿妹有三个小朋友，唔系咁容易可以放低，咁我哋一家人上去祝我爸爸生日快乐，同埋抱住我个B上去，觉得特别有意义，系我囡囡第一次上台，系佢爷爷生日，我觉得系一个好好嘅纪念日子。（私底下有冇同爸爸庆祝生日？）有，完咗之后有约出嚟食饭。（妹妹返嚟系唔系Sally安排？）其实系我阿妹自己主动想返嚟。”他又表示女儿在12号上台前，其实已多次在红馆看过彩排并有上台的经验，所以在正式上台的时候完全不害怕。