陈苡臻（Jessica）今日（22/10）带伤出席著名品牌活动。陈苡臻接受《香港01》访问时透露伤势原因，指早前到访唱歌老师家中，不幸遭其饲养狗只咬伤左手急送入医接受治疗。

陈苡臻表示：“狗狗本身好热情，而且我哋系第一次接触，但唔知系咪因为只狗狗本身曾经系喺狗场出嚟嘅狗只，变咗可能佢比较敏感触发到佢，令到佢突然咬落我度。入院系缝咗13针，伤口而家已经拆咗线，但就未完全康复，我有涂去疤膏，希望唔会有疤痕。”

被问到有否打破伤风针？陈苡臻表示：“有打，原来打破伤风针系好痛，伤口系肿痛咗成个星期，𠮶十日我系单手冲凉。（揾人帮吓手嘛！）哈哈，我自己嚟，我大个女。（抹身好唔方便！）系呀，唯有就住，因为伤口唔湿得水，所以包住保鲜纸冲凉。（男友游学修有否陪打针？）佢冇呀，当时唱歌老师陪我去，因为佢忙紧工作，同埋佢都有担心我嘅，始终缝咗13针。”