八両金（叶竞生）的前妻“八両菜”（何颛彤）最近报《东张西望》透露因脚痛，经歌迷会朋友介绍光顾理疗中心，怎料疑发生医疗失误导致她的左边脚掌严重溃烂，要在大腿割皮或用人工植皮填补伤口。仍然留医的八両菜昨日（22日）接受《香港01》专访，泣诉目前身体承受极大痛楚，还要面临经济拮据的困境，但却坚拒与八両金“复婚”，大骂对方是“废人”，怨气好重说：“得$2000家用点会同呢个人过日子？打边份工都唔会啦，$5000请宾妹，但想$2000揾一个香港老婆，系咪一个悔辱！”

小腿植皮伤口大过手机

八両菜表示由9月19日入院至今，仍然出院无期，哽咽地说：“U字形嘅脚踭好多肉刮起咗，最大𠮶嚿肉都批起咗。”3年前，她被确诊患上糖尿病，之后不小心被毒虫咬伤，同样因细菌感染令左边小腿要做植皮手术，她说：“本来一蚊咁细，虫仔咬完发炎，之后手术开到手机电话屏幕咁大（伤口）”。

哭诉经济陷困境：做过洗碗炒散

休养22个月不能够工作，令八両菜经济陷入困境，越讲喊得越犀利：“我唔系一个懒嘅人，由十几岁到依家我系一日返几份工，但手术后22个月返唔到工......我唔系完全返唔到，本来做地产，跟住转去做酒吧侍应，但你受过伤行唔得快，𠮶啲做唔到，我咪退而求其次去酒店做洗碗炒散，人工都几好㗎嘛。我当时47、48岁，消耗得太多元气，本来100分，做完呢个手术后我状态得返3成30分，体力唔够我每次只做到4–6个钟头嘢，仲要一月返得4至6日工，点维持生计？”她透露试做过电话接线员，因要经常覆诊开工不足被老板炒鱿鱼。年多前，又有眼疾问题，左眼做完手术后出现青光眼情况，令视线变得糊模，认真祸不单行好凄惨。

八両菜透露现在住㓥房，再次受伤更加担心未来生计，她说：“我都系月光族（人工月月清），仲会使凸。”今次医疗费用是要靠政府支付，她说：“未知几时出院，但医院唔可以俾你住三、四个月，但我半只脚板出问题又落唔到地，政府可能会提供安老院暂住。（医疗费点解决？）医院社工帮我申请豁免医院费。而㓥房仲有两个月按金，叫朋友帮我拎返啲值钱嘢过嚟先。”

八両金求复合只愿付$2000家用

问到会否向71岁的前夫八両金求助？八両菜劈头第一句便说：“呢个废人嚟嘅，所以我上次要笃爆佢以前从来唔俾家用，仲问我攞钱。”二人在1999年离婚，年前因为生病兼有经济压力，八両菜亦曾暂居八両金屋企个多月，却遭其家人冷待。八両金也想过复合，但开出条件甚为荷刻，她说：“佢想我过去（内地），得$2000家用点会同呢个人过日子！打边份工都唔会，$5000请宾妹，但想$2000娶一个香港老婆，系咪一个侮辱！”

疑八両金肺部有阴影X光片曝光

八両菜否认爆八両金患癌是无中生有，提供一张2023年底与八両金的对话截图，当中见到一张X光照片，其中一边肺部有白影，她续说：“ 佢俾我睇叫我返去，话自己时日无多，唔知仲有几耐日子。所以唔系我老作，可能当时用呢样嘢呃我返嚟，话佢几可怜搏我同情，想揾免费私家看护。因为我未受伤前（脚踭）做紧照顾老人行业，帮人煮饭、抹pat pat、推轮椅落街，呢啲我好乐意去做，但我唔愿意为呢个前夫做，因为佢冇尽过一个男人嘅责任！”

她指在患病期间，八両金没有半句关心及慰问，令她心死，她说：“离婚廿几年，系都唔肯要返佢，我心谂呢个系绝顶最差男人，我点可能要返佢。”儿子“八両仔”叶小霆见父母复合无望，更直接封锁妈妈的微讯账号，她说：“微讯拉黑晒，佢觉得同我倾极都唔愿意同佢爸爸一齐，佢爸爸最需要临尾一两年有人照顾，只系一个人合伴形式。”