乐坛新人郑杞瑶Kylie C.10月23日推出今年第二首派台作品《可怜之人》，继上一首《只得一半》找来于逸尧@人山人海及林夕两位大神加持后，今次新歌再找来林若宁填词，班底够晒架势！从《只得一半》的失聪自白，到《可怜之人》的控诉爱情，郑杞瑶为新歌MV四分钟唔眨眼，更是一镜到底扮Barbie任人摆布，忍到尖叫。

郑杞瑶新歌《可怜之人》爱情控诉

提到每次都能够找到神级的音乐班底合作，Kylie C.即刻笑到见牙唔见眼：“真系要多谢经理人，帮我联系呢班咁犀利嘅音乐人，对我嚟讲系好大荣幸，学到好多嘢！”至于新歌创作灵感，Kylie指全靠监制Larry Wong睇中她跟足球好有缘：“Larry觉得我成个人都跟足球好有关，其实可以试吓比较硬净啲嘅曲风，所以度身订做呢首Pop rock风格嘅歌。”

新歌《可怜之人》讲述不对等的爱情关系，Kylie C.解构MV概念：“导演谂起Barbie，光鲜亮丽外表下其实所有嘢都被安排，无选择权，成个人生任人摆布。”

郑杞瑶拍新歌MV要4分钟唔眨眼

为了强化这种操纵感，MV以一镜到底拍摄手法，Kylie C.仲更要四分钟不眨眼，认真惨情！讲到拍摄过程，Kylie C.大叹辛苦：“正式拍咗大约5次，但排练差唔多10次，成个过程用咗7至8个钟。”不过最惨是不可以眨眼：“就嚟完𠮶阵，只眼干到好痕，好似有人不断用个口吹你只眼，一cut机我即刻大叫咗出嚟！哈哈！”果然系“可怜之人”。问到现实中有没有试过不对等的爱情，Kylie C.自爆：“我嘅爱情关系都系属于被控制多，因为我好唔识表达，但同时又容易将所有情绪发泄俾另一半。就系一个矛盾嘅人马座。”看来今次应该是唱出心声！