“金牌司仪”林盛斌（阿Bob)的17岁大女儿林霏儿（Faye)，近日在社交平台公开透露遭受网民性骚扰，事件引起不少关注。而有网民就针对她的外型作出批评，在社交平台留言表示：“咁嘅样都食得落，边位仁兄咁样为民除害，香港政府应该要颁个大紫荆勋章畀佢。”

而此则留言林盛斌亦有所留意，今（24日）就在社交平台就该网民的留言作出回应：“有个律师朋友话畀我知，其实网上写呢啲嘢，已经可能构成两至三个违法嘅行为。Kenny，我相信我唔认识你，你亦都唔认识我，我唔知道你出呢个post嘅意图系乜嘢，可能你系想蹭吓个热度，蹭吓个流量？定系想侮辱吓我嘅屋企人，希望令到佢哋唔开心？如果系咁嘅话，好遗憾要同你讲声，你呢个唔系太有善意嘅企图，应该好难成功。”

而林盛斌亦表示有将该网民的留言给家人看，但家人看后完全没有感觉：“大家姐仲话你拣呢张相几靓添，所以唔好意思，令你失望，我个仔仲问我，点解你个样系一支红酒同埋一件蛋糕，跟住我哋一家人就笑得好开心。我想讲，我同我嘅屋企人，包括我太太同啲小朋友，都比你想像中勇敢、坚强、正面、有胸襟、有自信。”

林盛斌续言相信大家都听过一句说话“己所不欲，勿施于人。”向该网民喊话：“你谂吓，如果我将你阿妈个样post出嚟，然后写返类似你写嘅字，你嘅感觉系点呢？佢嘅感觉又会系点呢？又或者唔系你阿妈，系你嘅女朋友，或者好朋友，佢哋又会有咩感受呢？认真嘅，我真系好想你好好谂吓。我绝对唔系圣人，我都试过讲错嘢，亦都试过做错事，我仍然努力学习去改进同改善中，慢慢去认知乜嘢系啱，乜嘢系唔啱，你呢个post嘅内容，确实，真系有啲唔系咁好。”

最后，他又表示：“真系冇要求过要你特别去爱我哋，但系又有冇需要专登去攻击同伤害呢？你可能对我或者对我嘅屋企人有意见，不过，我仍然衷心祝福你有开心同愉快嘅生活。”整段回复相当用心，获不少网民激赞。