本月初，Good Show TVLtd 行政部总监陈永聪发声明：“亚视由2025年10月4日开始，Good Show TV与亚洲电视ATV和浚升影业有限公司合作制作节目，在这段合作期间，Good Show TV前任首席顾问李文伟先生，将会担任亚洲电视ATV 和浚升影业有限公司节目部总监，在这段合作期间，致力拍摄8-12 个不同的崭新节目。”

对于亚视宣布由黄夏蕙经理人李文伟（Simon）出任公司节目部总监，开拍8至12个新节目，大量招幕演员，而且称已交电费并保证一定有粮出。林宝玉今晚（24/10）现身尖沙咀出席《THE CHILDRED BALL 2025》红地毡接受《香港01》访问时表示：“其实近来系有人招幕我做演员，仲畀咗资料我睇，当知道有呢个消息我系好开心，因为我觉得亚视呢个品牌系应该继续行落去。（有冇去登记做演员？）未，因为我仲了解紧。（你惊佢冇粮出？）唔系，始终都要了解下个单位嘅运作。（你个价高佢哋可能请唔起你？）梗系唔系啦，人人都请得起我㖞。（几位数字？）睇情况，哈哈。”

提到亚视强调有粮出，林宝玉笑言：“咁做嘢梗系要有粮出啦。佢咁强调话有粮出，可能同之前负面新闻有关，变咗佢唔想令人忧心，为稳定军心所以先咁讲。（之前亚视啲粮出晒未？）记得之前公司出现清盘嘅问题，我哋系去咗劳工处求助，最后都追唔返，损失咗5位数。不过唔紧要始终都系宾主一场，能够喺亚视工作都系一件幸福嘅事嚟。”