香港首个万圣节音乐嘉年华Spooky Halloween今日（24日）于湾仔海滨活动空间举行，张敬轩作为活动舞台表演嘉宾，晚间演唱《酷爱》《笑忘书》及《青春告别式》等多首名曲，掀起全场炽热气氛！

张敬轩于嘉年华演唱后接受传媒访问，就日前于网络发生的连串“轩公事件”进行回应澄清。日前于一场深夜直播中，对乐迷粉丝呻被叫“轩公”叫到闷，曾于直播前于商场活动合作的主持方健仪随即于网上道歉表示在称呼上有所疏忽。今日张敬轩亦就网络事件主行回应，坦言并非对外界叫轩公感到厌烦：“一场误会！大家钟意点叫就点叫啦！”

张敬轩补充指自己当中有疏忽之处：“我自己都有问题，始终讲得唔清唔楚、冇头冇尾，应该系新闻出咗之后大家误会咗，连我阿妈都打电话畀我问咩事。”更透露向方健仪表示歉意：“我都有同Akina讲返呢件事，同佢讲其实唔驶道歉，我都有疏忽、太放松咗嘅地方。”

至于大家日后可否继续称呼轩公，张敬轩坦言：“我唔系唔钟意个名，但好多大我几十年嘅长辈都会叫我轩公，我个人比较传统，觉得辈份上唔系好受得起，所以嗌返轩仔啦！”张敬轩更举例今日下午于老板杨受成博士与夫人结婚40周年的庆祝上，连老板亦如此称呼：“我老板唔会叫我轩仔、张敬轩，佢每次见、大庭广众、今晚都系叫轩公轩公咁样，我真系受唔起呀！”但笑言张妈妈不会如此称呼：“我阿妈叫我……都系‘喂！’‘死仔！’咁样啰！”

张敬轩亦表示“轩公敲碗”频道并不会改名，更表示当时取名与一条陈年旧片有关：“其实轩公呢个名点嚟嘅呢，系七十年代有套科幻片叫《关公大战外星人》，当时英皇娱乐公司嘅年青同事就谂咗个‘轩公大战透明人’，拍咗啲依家睇返好Kam、自嘲形式嘅影片。”