梁小龙为香港一代武打明星，早在1970年代就与李小龙、成龙、狄龙并称“四龙”。2004年梁小龙复出参演周星驰电影《功夫》饰演“火云邪神”后，又将他的事业推上另一个高峰。昨日（25/10）梁小龙接受《香港01》访问时，透露近年依然十分繁忙，为了工作走访各地。

近年梁小龙长居内地，他坦言觉得十分适合自己：“5，6年啦，因为个市场去咗大陆，我哋顺住个环境去咗大陆。（习唔习惯？）大陆系中国人地方，有乜理由唔惯。（工作主要是？）拍广告，做演出，拍电影，未停过。我啱啱喺俄罗斯返嚟，喺𠮶度表演。（俄罗斯都有fans？）全世界都有，你返去问吓就知。”他透露在当地留了三天，前晚才回到香港。

梁小龙表示一直都有参与幕前演出工作：“而家所有企业都去咗大陆或者外国，我哋电影都系，因为而家拍一部电影，你小制作冇兴趣，大制作又冇人够胆投资，所以都去晒大陆。（你参与的都是大制作？）中型啦，所谓大制作系7，8千万以上，小制作几百万，请个演员都唔够。”他表示，现时有很多微电影都向他招手，曾有人表示想邀请他拍摄100集。他说：“我开心到晕，问要拍几耐。‘一个月。’我话咩嚟㗎，佢𠮶啲系电视入面放出嚟，每次三分钟左右，每一日都有，所以咪一百集啰。”

不过他似乎就不太认同这种制作模式：“电视要求制作，我话一百集你畀咩人睇呢？讲多过做，而且真系好剧本，一百集写4年都写唔完。”最后他拒绝了有关邀约，他也坦言：“我做咗呢行几十年啦，唔系净系为揾钱而做嘢，都要顾住自己积累落嚟嘅粉丝，都要对得住佢哋先得。（介唔介意透露片酬？几多钱先可以揾你？）一般人请我唔起，唔好讲几多钱。我喺大陆，好荣幸，全中国影迷当我系民族英雄，因为我做咗好多，唔会令国家丢脸嘅事，所以一般毒贩、黑社会我都唔拍。做咗咁多年，拍戏唔系净系为咗揾钱。”