乐坛年度盛事《新城劲爆颁奖礼2025》即将在12月27日举行，今日（29日）率先举行记招宣传活动，有逾90个歌手单位出席，大家为配合即将到来的万圣节，均悉心打扮，现场相当墟冚。

作为年度新人，郑杞瑶（Kylie C.)一共推出了两首单曲，均受到好评。在接受《香港01》访问时，问到对于今年自己的表现如何时，她就表示：“暂时出咗两首单曲，啱啱其实个成绩比第一首再睇到有一个进步，已经好开心。（有冇信心攞新人奖？）奖唔好话非常之高期望，但系大家都希望拥有，但系见到自己音乐，喺YouTube有成绩已经好够。”而对于首参加乐坛盛事，她则扬言开心又紧张：“细细个好钟意睇颁奖典礼，而家可以参与其中，同埋见到自己个偶像非常之兴奋，我钟意Dear Jane。（有冇同佢哋讲嘢呀？）冇呀，喺隔离点吓头已经好怕丑。”

另提到她日前接受街访时，讲到在香港，人们特别对女性的衣着有许多意见，令她觉得受了伤害。对此，她就回应表示：“我𠮶日讲嘅意思系𠮶个身型，我讲紧嘅系肥瘦问题，因为我曾经病过，暴肿过，我就会觉得系唔系我肥咗就唔啱定点。前几年我啱啱入行嘅时候，大家就会讲究竟你系要点样着衫，但系我觉得我着衫点，我其实开心舒服，点解好似我着咩衫特登要俾人讲呢？但系我觉得而家我已经唔需要去谂，自己钟意着咩就着咩。”表示以前的自己难以接受，但现在已经看透了，觉得在穿衣上只要自己开心就好。

问到如何消化恶评的时候，她就表明：“我而家睇化咗，我觉得而家听多啲大家支持你欣赏你嘅说话，好过你净系记住啲唔开心嘅嘢。”