凭《爱·回家之开心速递》中“Elaine”一角成功入屋的李芷晴，早前参加无线恋综《女神配对计划》而人气急升。虽然被封为“女神”，但节目中她对感情的率直表现，亦惹来不少争议及负评。昨日（2日）李芷晴接受《香港01》访问，坦言当初参加节目是“好想拍拖”，但经历过后，反而对爱情睇法大有转变，由以往的“执著”变得“随缘”。面对网民的猛烈攻击，她承认曾陷入低潮，会质疑自己，更试过“匿埋喊”；不过，人气带动工作，李芷晴直言收入“多咗少少”，更开心表示多了钱可以“投资返喺自己身上”。

李芷晴当初参加《女神配对计划》，目的非常明确：“其实我系本身参加嘅时候，我系真系抱持住一个，我会好快投入到一个新恋情嘅感觉去参加。”不过，经过节目的洗礼，李芷晴坦言最大的收获反而是认识自己：“咁其实喺参加嘅过程，我又发现，哦，谂咗好多，原来可能我。可能有机会系一世人都未谂过嘅嘢，又可能认识自己多咗，知道多咗自己想要啲咩，需要啲咩。我觉得有时有啲嘢系，真系要搞清楚自己先。”她直言，这段经历令她的爱情观180度转变。“变咗可能而家嘅感觉系我会随缘少少，我会冇以前咁执著。我对爱情本身系好执著，我一定要揾到𠮶个所谓‘一见钟情’嘅人。咁而家就会可能随缘啲啊，都会同唔同嘅人，可能做朋友，认识下先。唔好咁心急话，我一定要好投入𠮶个恋爱。”

节目令全港观众都知道李芷晴单身，她亦承认因此多了异性埋身：“其实都叫做第一次咁公开，因为以往嘅我系比较少讲感情，咁可能大家都未必知道你究竟系咪单身。咁而家因为个节目，就大家都知道我系单身，好公开咁讲咗呢件事嘅时候，咁都真系会有男仔会可能主动咗啰，我会 feel 到。可能知道你系 available 嘅时候，系会有嘅。”不过她表示目前仍在认识阶段，未有心急投入恋情。

人气急升的同时，李芷晴在节目中的表现亦引来极大回响，当中不乏负评攻击。她坦言一开始非常不习惯：“开头有少少唔开心嘅，咁就都会有少少介意，或者可能自己匿埋，可能都会喊啊。”负评排山倒海而来，更令她一度陷入自我怀疑：“甚至乎可能会质疑自己，因为人哋会话，‘点解你会咁样做呢个决定？’跟住我就会谂，‘其实我会唔会有更好嘅做法呢？’但系后尾我去到中后段，其实都发现，可能有啲人真系未必可以好理解。”

李芷晴指曾有网民用粗口留言作出带侮辱性的人身攻击。她当时鼓起勇气回应，尝试理性沟通：“我都会讲话，‘其实我哋系和平咁样讨论’，我会觉得，‘我都好尊重你嘅意见，但系尽量我哋都理性少少去讨论啰。’”没想到，对方竟然道歉：“我都知道自己其实系激动咗。 我好开心嘅事系，其实佢都肯听。咁我就觉得，哦，原来可以咁样理性嘅沟通，我就最好啰。”

经历过网络风暴，李芷晴笑言自己EQ“麻麻哋”，但现在已“睇得开好多”：“其实我自己本身就觉得自己都麻麻哋嘅。但我哋觉得经过咗呢段训练之后呢，而家好好多。始终每一样嘢都一定有正反两面，可能未必个个都认同自己啰。我会唔好强求大家嘅认同。身边嘅人理解你嘅人，佢哋明白你就 OK 。”

《女神配对计划》带来的除了是情商的磨练，还有最实际的工作机会。李芷晴笑言，现在出街多了人认识：“以前会偏向系嗌我做《爱回家》角色，即系‘Elaine’多。而家就会嗌‘Step’啊，‘芷晴’啊，或者可能‘女神’啊！”她透露临近年尾，工作量大增，更迎来新挑战：“其实都真系有嘅，尤其系而家临近年尾，多咗好多可能annual dinner啊。咁都会多咗做MC嘅机会啦。因为其实我系未做过 MC 嘅。所以真系因为呢个《女神》嘅节目，就多咗啲MC嘅job 啦。”她更预告将有唱歌表演，最近正“恶补”歌喉。

问到收入是否“三级跳”，李芷晴腼腆地说：“都系多咗少少。”她补充，自己本身有《六合彩》及《爱·回家》等稳定工作，收入一向稳定，但现在是“多咗唔同面向嘅工作”。赚多了，李芷晴亦不忘“装备自己”及孝顺家人：“我最近就可能装备下自己多咗，可能买咗新相机，影多啲靓相畀大家睇啊。同埋有买咗啲嘢畀屋企人啊，可以花费，投资返喺自己身上咁样。”