TVB前企业传讯部宣传科副总监曾醒明今日（4日）出席“2025EYT好友会联劝晚宴”活动，在接受媒体访问时，提到日前好朋友冯淬帆离世一事，他表示：“对于佢嘅离世嚟得非常之突然，其实佢辞世𠮶一晚大概深夜10:36分左右，我喺11点几接到讯息，但𠮶阵时我希望个消息系假，但太夜我冇办法揾人求证，所以我就唔敢有任何宣布。直至到第二日，呢个讯息真系证实咗，整个人感觉到非常之失落同埋难过，因为始终同佢相交咗咁多年，喺演艺界我同佢之间较为交心嘅幕前朋友，所以对于佢嘅辞世实在感觉到不舍同埋非常之惋惜。”

曾醒明亦提到与对方见面已是前年的事了：“我知道佢近期身体唔系几好，佢喺今年都曾经入住医院两个几月，出返嚟身体都好弱，需要带呼吸机去维持生命，知道佢体弱，但系谂唔到。”他又透露在冯淬帆离世前的两日，大家有在Facebook聊天，并向他告知许绍雄（Benz）离开一事，因为在圈中大家是比较交心的朋友：“大家都见到佢（冯淬帆）喺Facebook讲咗一啲唔系几好嘅说话，可能𠮶阵时佢心目中已心中有数，但估唔到一语成谶。（知唔知佢有咩心愿？）希望能够拍一啲想拍嘅电影，但好可惜今时今日佢唔能够实现佢嘅遗愿，佢亦有心愿曾经讲有提过要海葬，喺金门海葬，但系要睇佢屋企人是否遵守佢遗愿去进行。”

续问到知不知道丧礼事宜，他表明现阶段都要等通知：“我知道佢外甥系过咗去台湾，佢一直一个人喺台湾生活，所以佢丧礼都系靠台湾嘅朋友义务帮手。”而他即将在下个星期一要带队出发到泰北山区做探访，届时不知道对方丧礼一事如何进行，所以已提前托台湾朋友从旁帮手。