无线（TVB）剧集《金式森林》进入结局周，今日（08/11）一众演员包括郭晋安、陈晓华、龚慈恩、罗子溢、何依婷、郭柏妍、庄子璇、徐荣、李成昌等齐齐出席宣传活动。

婚后成为人妻的何依婷，近日因在《金式森林》中与罗子溢的床上戏而成为焦点，她今日（08/11）接受《香港01》访问时，坦言婚后仍会坚持拍剧工作：“佢（老公）好支持我工作，慢慢人大咗，觉得结完婚生完小朋友留喺屋企，个世界好闷，见识好似暂停咗咁。有家庭都好，都要keep住出嚟见吓人，见吓个社会发展成点。如果唔系将来都教唔到小朋友，小朋友会觉得你沟通唔到。”

何依婷表示，近来工作颇多，忙完剧集拍摄和宣传后，又要准备年底的颁奖礼。讲到家庭乐，她表示BB已经7个月大，而且十分“爱”妈妈。“喺屋企，无论我老公又好，工人姐姐又好，抱住佢，佢会扭计，但系只要我喺隔离，佢就会好乖，佢可以自己玩，又会同我讲两句，所以都几有成就感，开心嘅。”她表示，只要有她在，BB就会感到安心。何依婷又表示，可能是因为自己对BB十分有耐性的关系。

近日何依婷和罗子溢的床戏成为话题，何依婷表示，老公十分支持她的事业工作，也没有介意。“佢其实一路都好期待，拍出嚟效果系点，一出街我就同佢一齐睇，咁睇完，我好记得佢问咗我一句：‘就咁？’哈哈，我谂喺佢眼中，床戏剧本可能系你揽住我，我揽住你，巴黎铁塔反转再反转𠮶种，点知出到嚟只系意识形态，唔系大战300回合，𠮶吓佢就放心咗。我谂佢系一个好大方嘅人，都好支持我有自己事业。”她坦言，正是另一半的这份支持她在事业上发展的取向，令他们最终走到一起。