许家杰在剧集《金式森林》中饰演大律师应华龙，亦是他罕有地在《爱・回家之开心速递》以外与观众见面。今日（08/11）他出席《金式森林》剧集宣传活动接受《香港01》访问时，表示角色相当有挑战性。

许家杰说：“讲真，今次真系一个好重嘅担子，因为三版纸全部都系你讲，确实准备真系要好充分，因为有阵时剧情系飞纸仔，一个星期前先收到，咁就真系完全边度都唔去，就喺屋企读剧本，因为好多人名、日期，全部都唔可以错，几十个演员坐晒喺度就系等你一个讲，个压力系几得意。好彩背得够多就克服到，其实我细个系有少少语言障碍，咁所以口齿唔系好清，可以趁呢个机会练习吓。”

许家杰表示，做“送水辉”和“应华龙”的分别很大：“个节奏好唔一样，譬如《爱回家》就要好轻快，一场戏就要即刻表达到，drama就要理解个角色背景，同埋要3个月就融入，但系我做送水辉已经做咗8年。感觉好唔同，可能某程度上送水辉已经系我本人性格。”

有观众会问，许家杰会否放弃拍《爱回家》，转而投正剧怀抱？他回答：“我相信唔会嘅，因为《爱回家》都家传户晓，我哋都做咗咁耐，个灵魂都已经入咗血，每个人都会叫我送水辉。”他表示，无论正剧和处境喜剧也喜欢，没有哪边更好或更低，从正剧中，他可以学习新睇法、新演技，再将之融会贯通，或带入《爱回家》之中。