在TVB剧集宣传活动，或一些重要场合中，常会听到演员们开口多谢TVB、公司高层和剧集监制。一套成功的剧集，除了演员、剧本以外，监制的功劳也是功不可没的。到底监制一职的工作，除了揾演员拍剧外，又负责什么？是否有如电影《低俗喜剧》一样？

昨日（08/11）《金式森林》剧集宣传活动中，金牌监制林志华（Lam哥）接受《香港01》访问时就解释了监制的工作，原来也十分不简单：“我自己睇法系，将所有制作、创作、幕前幕后嘅人组织起嚟，我自己谂到一啲方向，就带住佢哋一齐去创作剧本，搞制作，同演员构思演出，跟住过程又要睇住啲钱点用。”

片场食咩饭都归监制管？

记者笑言，即是片场食叉烧饭还是白饭，都是由监制控制？林志华就回答：“其实系公司规定咗，可以食啲乜嘢，每餐饭几多钱公司有规定。可唔可以食两盒，或者食三盒，就由我话事。”（加鸡髀呢？）冇嘅，体力劳动多就可以食多盒啰。”不过，他亦表示曾经不让罗子溢食饭：“曾经有一样嘢我最厉害嘅就系，唔畀罗子溢放食饭。”他解释，因为罗子溢提出想花更多时间在拍摄主景上：“可唔可以拍多日？”当时林志华就提出：“仲有一个方法，就系你唔好放饭，不停拍，人哋打灯你就扒两啖。”当时罗子溢十分接受提议，但后来到最后一天时就有点吃不消。林志华续说：“最后一日我问佢，要食啲乜嘢。佢话：‘我冇嘢，我净系想饮红牛。’”

演员最紧要“灵气相通”

不少观众都大赞《金式森林》选角一流，林志华表示，他们通常都是接到剧本后，才在众多演员中拣出适合的演员。“主要喺公司里面，我哋有好庞大嘅艺员团队，我哋会睇返佢哋过往表现，或者我对佢哋嘅认识。但系有样嘢好紧要，系佢哋畀我嘅感觉，系咪角色需要嘅感觉。拍过几多套剧，同埋做过啲咩角色，反而唔系必然。如果重要嘅角色，我哋会约佢上嚟见吓面倾吓偈，睇吓佢同个角色之间有冇个灵气相通。”

主角永远要揾一线演员？

TVB剧集中的讨论串，常会有人指“点解又系揾佢做主角？”访问中问到，TVB中有没有规定一定要某几位做主角？林志华也回答：“可以参考，但系我亦好多谢公司有阵时畀我好大胆咁去做某一啲决定。如果我发觉公司有一个人，佢同我个角色灵气相通嘅话，我会提出。我未必会理佢系咪第一线𠮶排，我觉得佢有潜质进一步嘅话，我会去同公司提出，公司亦好赞成我哋有呢啲咁嘅取向。等于睇到我哋casting，有啲都好新，未必以前做一线嘅演员，但系今次公司都支持我哋。我哋亦畀啲机会唔同嘅同事，演员有得发展，公司亦会发展，呢个系我哋希望双赢嘅局面。”