高海宁今日（9日）以“莎莎妇女银袋日”形象大使身份现身沙田马场赛马日活动，她表示之前都有入过马场，也有买马且有斩获，至今已拉过3次头马，问到是否赢了不少钱？她说：“我哋唔计钱嘅，如果赢咗就系lucky money，我买马多数都系支持朋友啲马出赛。（有偏财运？）我觉得我正财运好啲。”最近忙于拍摄新剧《璀璨之城》的高海宁被问到同剧的张智霖 (Chilam）获老婆袁咏仪（靓靓）做跟得夫人，对此高海宁说：“靓靓姐头几日开工有嚟探班探，佢识好多幕后嘅人，嚟探佢啲老朋友，Chilam都会请我哋食葡挞，大家都好开心。（有无肥咗？）无，我要keep住最佳状态。”

提到近人有网民遭冒名高海宁的骗徒行骗，之后向她发讯息告知一事，高海宁说：“我收到DM，藉今次事件呼吁大家小心唔好畀人呃。（会唔会担心屋企人被骗？）唔系担心，我阿妈好醒㗎，但系会提醒屋企人，每个人应该有嘅安全意识，我自己系唔听电话嘅，都系揾我助手同经理人。”

高海宁有份主演的新剧《新闻女王2》已于内地率先播映，剧中马国明的角色在第一集已死了，问高海宁可会觉得可惜？她说：“虽然马明佢个角色过咗身，但系佢嘅戏份唔少，佢系好重要嘅因素，会影响到我哋四个女仔之后嘅发展，无话可唔可惜，剧情发展需要。谈到黄宗泽 (Bosco)的角色，高海宁表示与对方有不少对手戏，她说：“我畀bosco个角色激到扎扎跳，佢有时好贱格。（咁你个角色系咪帮Man姐？）唔系，我自己个角色系睇重利益嘅，以利益为本。”高海宁与林正峰在《新闻女王》中是一对CP，但有指林正峰在新一辑入面无影，问到高海宁与林正峰是否仍是CP？她说：“我哋结咗婚㗎，仍然系CP，不过佢系驻美记者，我个角色好专一，只系事业上好博杀。（林正峰会唔会出场？）你哋睇落去咪知。”