英皇娱乐集团营运总裁、英皇（北京）文化发展有限公司CEO霍汶希（Mani），金牌经理人地位毋庸置疑，近日她接受周国丰YouTube节目“国丰百科”访问，她上集先讲到“凑”反叛期谢霆锋的难忘事，相处之道是不要硬碰硬，但仍试过闹大交：“一定有，可能佢发泄出嚟啰，试过一次佢喺电话度闹我啰！然后我又好唔小心，听到电话又无拎开，哗！我争啲聋咗呀个耳膜！佢好大声，真系痛呀只耳仔，咁我当时都系好后生，大佢八年咋嘛，佢激动时，就算我几成熟，我都会讲两句㗎嘛。”

不过同样地，看似冷酷的谢霆锋，其实也会有很懂得关心人、令人感动的时候，“我记得𠮶时我同男朋友分手，好sad，一个礼拜冇食嘢啰，真系好伤。然后佢唔知点解上咗嚟我屋企探我，好似老江湖咁同我讲咗句嘢呢，令到我个人醒返。你知唔知佢讲咩？‘猪，仔死仔还在！’讲完之后畀咗份礼物我，我唔记得系咩，总之好有心咁过嚟，𠮶时我仲喺碌架床（喊），‘醒吓啦！’类似𠮶啲，佢平时从来唔会做呢啲嘢㗎嘛，但系原来咁有心。”而第二集，Mani就继续讲其他艺人的相处点滴。

虽然谢霆锋1996年入行就跟Mani，但Mani说自己第一个“凑”的艺人是赵学而，“赵学而真系我第一个落手落脚去策划，去倾好多唔同嘅嘢嘅一个，系我真系觉得，自己作为一个经理人去点样帮助一个艺人去发展佢演艺事业嘅第一个艺人。”她由零开始陪著赵学而去走埠、去日本拍旅游特辑，一日行十几个钟，最终《每隔两秒》有白金销量，皇室堡签名会有千几人，使Mani非常有成功感。她续说，其实最初自己的工作岗位是助手，“我都唔知自己做经理人，但系我觉得自己做紧嘅嘢都系助手，我记得我第一次俾人介绍俾其他人认识嘅时候，系同我讲呢位系我经理人，𠮶个就系赵学而，喺𠮶刻我好感动，原来我真系经理人！”

Mani做经理人之前其实是做模特儿，曾与谭咏麟、吴奇隆拍MV，每日打扮漂亮、著短裙去试镜拍广告便可，但她发觉如果要做正职，要长久，人就要放下身段，加上她去过TVB及华星试镜，被陈欣健等“叮”走，自知自己唱功演技未够“斤両”，于是就面对现实，很快适应了由模特儿转型经理人，毕竟家里有母亲等她养，Mani都要畀家用，她说：“当你转变做另一个角色嘅时候你就要面对新嘅角色，你就要投入新嘅角色，旧𠮶个就唔好记得，唔好谂。我𠮶时记得我返工仲喺个工厂区，然后我隔篱行过好多货车嘅哥哥，我着住条短裙𠮶啲呢，‘weeee～’（吹口哨），我心谂好似唔系几适合，我有时跑跑籴籴，我好快就换晒牛仔裤T恤返工，最紧要快，朝早唔使化妆，最紧要快，乜都唔理，最紧要快！”

讲到最具挑战性的工作，Mani指初出道时自己未够底气，凑谢霆锋十分辛苦，因为带他出去，他常常会不见了人：“做做吓访问，喺商台𠮶阵时我唔见咗佢，佢壁虎功上咗天花板……好难搞， 10几岁咋嘛。有次去迪士尼配音，又系打箩揾佢又系唔见咗，佢喺门口玩紧曱甴，我同佢讲唔好玩住喇，入嚟帮我录埋音先，佢话佢就搞掂，我话你同我录完音返嚟再搞掂佢，因为佢已经反转咗只曱甴。”不过这些都是笑料，更高难度是霆锋拍戏常常妄顾安全，令人提心吊胆𠮶啲。周国丰问Mani是不是很恶，她表示：“后生𠮶时算恶，而家唔算，而家佢哋恶过我啦，我生咗个女之后都唔恶。”不过她觉得签艺人回来，有些人是白纸一张，要很小心和清晰让对方知道公司底线。