【欧阳震华/生蛇/艾美奖】欧阳震华（Bobby）近年签约英皇娱乐，于中国内地大展拳脚。有“收视福将”之称的欧阳震华为TVB拍过不少经典剧集，但讲到最威水的，一定是凭2006年剧集《赌场风云》入围国际艾美奖最佳男主角，成为首位入围该奖项的香港男演员。不过，当年却生怪病，差点令开心事变憾事。

“点知好生唔生，呢个时候生。”当年欧阳震华收到通知，知道自己凭《赌场风云》入围国际艾美奖最佳男主角后，欢天喜地的订制西装出席，怎料上机前一日发现自己“生蛇”（带状疱疹）。“𠮶阵时觉得，冲出香港杀入国际啦。你知啦，格林美、奥斯卡、艾美，三个，仲要入咗五强最佳男主角㖞！𠮶排拍紧《法证先锋2》，好忙好忙，仲要好多大牌子sponsor我啲衫。谷埋谷埋就病，又紧张，又惊攞到唔知讲咩好。攞唔到就，其实坐喺度𠮶4个都年纪大过我，有得俾我去都好感恩。”

他续说：“佢哋好好㗎，唔系攞到先有奖。我哋都有啲揸拿，会有本嘢畀你，好似食私房菜咁样，仲有条蓝色嘅带，仲有一条奥运金牌咁，畀你纪念，可以攞返屋企镇宅。”可惜的是，他上机前发现自己生“怪疮”，落机后更发现越来越严重。“落机即刻揾医生睇，礼拜六，你知外国医生唔开门。好彩接我哋个司机系唐人，带咗我去唐人街睇，一打开门系一间大酒楼，有推车嗌：‘虾饺烧卖⋯⋯’上咗去好似百利商场咁，成层都系，等𠮶间仲开，可能个司机叫佢唔好走住。”专访｜欧阳震华抖音“跳老舞”　豁达笑对：冇钱扮体面？

一睇，医生就表示欧阳震华脸上不是生“怪疮”，而是“生蛇”。欧阳震华回忆道：“我话：‘蛇？唔系生大髀，生喺个身咩？’医生话：‘有，机会少啲，生上脸呢条蛇都几恶。’”欧阳震华问道有没有药物抑制，却换来医生的坦白：“佢话：‘我知呀，睇报纸你听日艾美呀嘛。你放心㖞，听日你个样将会更加难睇。’”

如是者，欧阳震华唯有带着伤患“顶硬上”出席人生之中，最重要的颁奖典礼。“最痛苦系，身体同心理都冇力，明明要出席咁重要嘅场合，红地毡上要同外国政要、媒体见面，但我甚至要拒绝访问，因为根本讲唔出句完整句子。”所幸，其后经过漫长治疗后才逐渐康复。经过这次“生蛇”惨痛，更令他惊觉及早预防的重要性。