前𡃁模冯镓潆（Naomi）继早前被偷单车后，新买的战车竟然又再次被盗！她在帖文中透露事发在元朗YOHO附近，幸好单车装上了Air tag，所以成功“救车”，她忆述：“显示左位置响2.3公里外，我马上报警，联同男朋友揸车去到现场，见到两名尼泊尔籍男子，拆紧2架单车上嘅配件，其中一架系我嘅单车。我哋话架车系我嘅，佢重（仲）好意思讲：点证明架车系你㗎？我用Find my iPhone 一㩒（揿），架车就响，其中一个：我系买嘅，另一个话：我哋同巴基人买！企图将偷窃罪推落巴基斯坦人身上，我话你哋唔好走，我哋报咗警！”

不过Naomi表示贼匪“当佢流”，直至她叫男友打999，对方才立即收拾铰剪等拆单车架生逃走，“我哋为人身安全，唔敢埋身，我哋合力捉住无架生𠮶个，但佢想挣扎，我嗌：救命！斩人呀！救命呀！杀人呀！附近大厦保安即刻冲哂出嚟花生，电话响，警察：‘小姐，你位置喺边？’我话响天桥上面，我哋捉住个贼！”到警车到场后，Naomi便将犯人交予警察，并得悉对方有盗窃前科，至于另一名有架生的贼人则逃之夭夭。

Naomi拍低了对方的容貌和打扮，尽管因司法程序进行中而未能公开其样貌，要用后制遮蔽，不过她指该名在逃尼泊尔籍男子穿黑风褛、黑裤、黑拖鞋，揹黑色Adidas背囊，袋里面全为偷单车架生。她呼吁街坊和网民“见疑即报”，表示：“为所有被偷单车嘅市民出一分力！条友识讲广东话！宁可拉错 不可放过！香港人要一齐合力对抗南亚势力，呢班害群之马偷呃拐骗打交抢劫，香港人唔可以容忍同辜息！”

帖文引起很大回响，不少元朗街坊留言指该区偷单车情况猖獗，犯人多是南亚裔为主，留言：“班南亚长期偷单车”、“捉到一个都无乜用，永远都捉唔晒，同埋呢啲人坐几个月又出返嚟再偷过”、“佢地好狼死㗎，有次我系交通广场近泊单车𠮶边等人，有一个南亚完全冇理个位有人行有人望，就即场用工具拆个单车锁偷车，一拆锁就揸埋架车走，仲将个锁掉系对面屋苑个花槽到。”、“想讲我系元朗已经俾人偷过差唔多10架 唔敢再买新单车”虽然情况令人无奈，不过Naomi就表示绝不妥协：“只要唔辜息，好似你有10架车曾经被偷，好大机会系同一group 南亚裔人士，一个偷一架，如果你够姜，报警比你拉咗10个，人人都咁样报警拉人，可能已经瓦解咗呢啲集团！”