“2025第十五届全国运动会”开幕礼11月9日于广州的广东奥林匹克体育中心举行，容祖儿、曾比特（Mike）、乐队Daze In White两位成员郑宗健（Felix）及李肇航（Eugene）获邀担任表演嘉宾，四个单位同台合唱主题曲《龙腾伶仃洋》，现场气氛炽热。

今次开幕礼的“第三章《同梦同圆》：成世梦圆”环节，由祖儿、Mike、摇滚乐队Daze In White及另外三个单位演出，组合劲有新鲜感，歌曲气势磅礴，祖儿跟Mike更企正C位，隔住个Mon都feel到震憾！

演出过后，祖儿仍然兴奋，“好荣幸有机会喺全运会嘅开幕礼演出，希望大家都可以喺全运会入面揾到属于自己嘅梦想。”提到带着师弟们出大场面，祖儿即笑说：“唔好咁讲，大家差唔多年纪，我早出道啫，哈哈。其实系好开心可以同佢哋一齐演出，今次同Mike、Daze In White合作好新鲜，佢哋把声好有力量。”

而刚加入公司的Mike，首个job便是于大型盛事任表演嘉宾，他坦言收邀请时十分惊讶，“同埋知道合唱嘅对象除咗大师姐，亦都有同门嘅乐队，同埋有澳门、广州代表嘅时候，自己有少少紧张，因为好似代表一个香港嘅年青人去演绎呢个青春热情，所以自己都做咗好多功课，一路练习，又send俾导演听，等佢俾啲意见我可以点样演绎得更加好，希望大家会满意。”表演完的Mike坦言这是他人生第一次面对那么多观众，所以难掩兴奋之情，“最开心就系一首咁激情嘅歌，有咁多人同我一齐去演绎呢首歌嘅时候，个人自不然就会有一种好激动嘅感觉，所以我好enjoy今次嘅舞台，好开心。”

至于Daze In White的两位成员Felix及Eugene则分享道：“我哋希望透过音乐，令大家感受到团结同友谊嘅力量，呢个亦正正系全运会嘅精神！”