由卫骏辉、黄德斌、罗妍、梁非同、陈景铷、黄安晴、苏楚欣和马溢霞担纲演出，“进念•二十面体”制作，陈善之监制，胡恩威执导及改编陈敢权原著剧本，加上杨健平以粤剧改编及作曲的全新摩登粤剧《顶头锤》，将于今个星期四至日（11月13 - 16日）晚上8时正，以及11月15日（星期六）下午3时正，在香港文化中心大剧院上演，票价分别是$680、$480、$280、$180 四种，现尚余少量门票于进念购票平台和城市售票网公开发售。

彩排工作已进入最后阶段，饰演郑开满的著名粤剧文武生卫骏辉说：“点样用时装戏去演绎粤剧里面嘅男生？对我嚟讲系一个新挑战，如果有穿戴嘅道具就梗系帮到我，但以时装形式表演嘅话，无论我哋嘅企同埋演绎都要揣摩，对于我嚟讲真系一个好新嘅尝试，同埋都系一个好好嘅机会去学习原来新派粤剧可以咁样做，希望大家可以嚟文化中心支持我哋《顶头锤》，点样一个顶十个。”饰演一代亚洲球王李惠堂的黄德斌表示：“仲有几日就演出，由排练开始到而家嘅心情都仲有啲紧张，因为其他演员本身系粤剧演员，功架同唱功都好熟练，我一直希望可以投入同融入到佢哋𠮶种感觉。导演仲突然同我讲有段戏要我清唱，咁就更加增加咗我嘅压力，呢个压力对我黎讲都系一个动力，希望大家到时嚟文化中心支持《顶头锤》。”

监制陈善之说：“嚟紧星期四就系文化中心演出，呢一刻嘅心情系相当期待同兴奋，个剧已经排咗好多次，真系好开心我睇嘅演员系冇睇错，佢哋好恰如其份做到我想佢哋系套剧入面做到嘅嘢。同埋我好欣赏佢哋呢班新一代嘅演员，佢哋好积极好有创意，亦都唔吝啬将自己对角色嘅感受，自己有嘅经验，再加埋技能，完全奉献出嚟，不停咁表达俾我哋睇边样嘢系最啱个角色，我觉得呢种精神好抵锡，佢哋真系好抵锡，同埋值得大家知道同欣赏佢哋。”

导演胡恩威表示：“《顶头锤》入面嘅角色系反串？因为粤剧传统系反串，反串好玩嘅地方就系有时有啲女仔做男仔系会比男仔更加男仔，有啲男仔又会女仔过女仔，呢个就系喺表演艺术上面有好多种表达，传统戏曲就系有呢种好特别嘅韵味，所以揾啲戏曲演员一齐做，因为佢哋男又得，女又得，佢哋本身嘅训练可以令到佢哋跨界别，我哋而家成日讲跨界，戏曲演员可以跨界，性别跨界又得，戏剧类型跨界又得，唱又得，跳又得，系一种非常好嘅表演形式，今次大家嚟睇《顶头锤》就会睇到佢哋好精彩嘅表演。”

剧中饰演梁国邦的新锐武生陈景铷说：“因为有Joe哥哥同刘千石先生嘅大力推荐，我好荣幸可以参与今次《顶头锤》嘅演出，由一直彩排到就快入台，心情系兴奋同埋紧张，因为文化中心都系我哋平时做粤剧嘅地方，但系今次喺文化中心做嘅《顶头锤》有话剧嘅成份，呢种感觉既熟悉又陌生，期待将会呈现一个好嘅演出俾大家。”；艺龄已经有13年的罗妍：“我今次可以参加《顶头锤》系因为之前同善之哥哥合作过，我好少做呢类带有话剧成份嘅制作，今次呢个制作都令我获益良多，因为个表演形式系完全唔一样，同埋可以同一班咁优秀嘅演员一齐合作，自己都可以学到人哋嘅优点，希望可以做好呢一次嘅角色。”

饰演阿健的戏剧演员苏楚欣（Sobi） :“今次系第一次做粤剧，亦都系第一次做男人，都喺度摸索紧，因为我觉得自己系一个好女仔嘅女仔，所以要我扮男仔，我就不停喺度尝试，但我觉得好好玩，同埋粤剧里面嘅功架真系一啲都唔容易，所以我好开心今次有机会参与呢个演出。”饰演玉仪的旦角新星黄安晴：“我好开心今次有咁嘅机会，可以令我哋粤剧演员同话剧演员合作，真系学到好多嘢同启发到我哋，因为艺术本身就系共通，粤剧有佢自己嘅一个范围，好多人以为系喺一个框框里面，但系经过今次嘅合作，希望俾大家见到我哋粤剧演员系有无限可能，而话剧本身嘅包容性亦都好强，范畴亦好广阔，两个剧种加埋 1 + 1 ，其实等于无限嘅可能，希望大家系《顶头锤》见到呢个有趣嘅‘可能性’同埋无限嘅火花。”

曾荣获艺术新秀奖，在剧中饰演焕璋的梁非同：“今次好开心导演俾机会我参加呢套摩登粤剧，因为呢套摩登粤剧系有别于我哋传统嘅粤剧表演，《顶头锤》不论喺我哋唱曲嘅选材，故事嘅脉络，每一个出场入场位，都有话剧元素，正如安晴所讲，我哋戏曲演员都有好多可能性，今次好难得有呢个机会，同话剧演员一齐交流，我哋都吸收咗好多。整个《顶头锤》过程由文本开始，一路排落嚟，其实个轮廓已经出咗嚟，当中会睇到粤剧嘅锣鼓、音乐同身段都系好有特色，而且佢有一种戏剧嘅效果带到出嚟，所以希望大家多多支持今个星期香港文化中心嘅演出。”