商台人气节目《早霸王》于10月31日播出最后一集后，森美将伙拍阿正与Elsie合作新节目《Bad Girl 大过佬》，小仪则开设个人YouTube 频道重新出发，而梁嘉琪同样在YouTube亮相，她接受翟浩然主持的《浩然正戏》访问，大谈初入《早霸王》时有个“不可能的任务”，又自揭“鱼雷轰顶”这个黑历史，嘉琪更首度公开当日森美在闭门会议交代《早霸王》即将完结的一段对话，“我本身忍住，但都系控制唔到爆喊！”嘉琪回想依然眼泛泪光。

正式担任《早霸王》主持之前，嘉琪与森美早已相识，感觉对方是个十分照顾拍档的好前辈，直到两年多前的某一天，森美突然向嘉琪提出一个令她意想不到的要求，嘉琪忆述：“佢话节目好急需要揾一个人返嚟，因为对上一个主持Marco要离开，佢谂咗好耐，觉得我应该可以，虽然我曾经做过《早霸王》同《公子会》代班，但我知道代班同做真正主持系两回事，我同大哥（森美）讲，我唔知自己有冇咁嘅能力，大哥话放心，佢会睇住我，我就话，如果你信得过我，咁我就做啦！”森美做节目向来强势，小仪已惯做多年“下把位”，嘉琪最初怎样为自己定位？她狂笑爆出一个“不可能的任务”：“初初入商台，有人同我讲：‘靠你食住森美！’而且系唔止一个咁讲！佢哋认为我可以，真系令佢哋失望！”

残酷的现实却是，嘉琪不但未能“食住”森美，主持《早霸王》初期，自信心更跌至新低点，她说：“有次大哥讲鱼雷，我突然间load唔到，印象中系一啲类似子弹嘅嘢，点知我咁样答，大哥就问我知唔知系乜嘢，同我玩咗好耐，我个人好怯、面皮又薄，只系谂错咗啲乜嘢，去到开始唔识得对答！呢段成为咗我嘅黑历史，超挫败感！”她想过请辞，但倔强个性使她留下：“我唔系一个咁易认输嘅人，如果因为人哋嘅批评说话而走，我觉得系逃避，我同自己讲，就算要走，起码到有一日，改变到某啲人嘅睇法，先可以离开！”

跌跌碰碰，嘉琪凭努力争取到一班听众认同，更留守到《早霸王》最后一刻，当森美在闭门会议向嘉琪交代节目去向，竟触发泪崩场面，嘉琪首度剖白：“佢话想继续同我做节目，但冇办法，嚟紧有个大变动，我系佢呢十年嚟最严厉嘅一个人，佢话见到我嘅努力同进步，我本身忍住，同自己讲唔可以喊，佢最尾问我有咩讲，我话我好开心得到佢嘅认同，跟住就控制唔到爆喊！”森美对嘉琪一直非常严苛，从开咪到收工无间断疲劳轰炸，两年多来从未有赞赏半句，嘉琪哽咽道：“我知道自己追唔上佢嘅程度，我不断用努力希望追多少少，然后听到佢话‘见到我嘅努力’，我一路爆喊话，有佢呢一句，对我系一个好好嘅总结！”有报道指她告别广播界，嘉琪郑重澄清：“我冇宣布告别广播界，从来都系never say never，觉得所有嘢都有可能性！”