资深演员许绍雄（Benz雄）今年10月28日不敌癌魔于医院安详辞世，享年76岁，丧礼今日（17/11）于大围宝福纪念馆地下宝福堂举行，翌日（18/11）上午则举行大殓仪式随即出殡。

三哥苗侨伟两公婆，旁晚抵达灵堂致哀，向Benz雄作最后道别。三哥接受访问时表示：“其实我系好突然，我𠮶日先知佢原来咁大件事喺医院，都系佢太太通知我先知佢咁严重，佢将自己嘅病情收得好密，系冇人知。当日我赶到医院睇佢嘅时候，佢已经插晒喉，𠮶晚就走咗。记得旧年喺我屋企食饭嘅时候先见过佢。”

三哥续说：“个心系好痛，系令我谂起好多同佢嘅回忆，因为细个嘅时候训练班已经一齐出嚟，大家认识咗40几年，同埋同佢合作都算系好多，训练班出嚟佢好锡我哋，同佢开工系好开心，直至呢几年大家又更加多合作，真系太多回忆，所以系好痛心。”三哥又指Benz雄为人好潇洒：“佢个人睇得好化，好多嘢睇得好通，冇咩特别要求，佢连自己病都冇同我哋讲，变咗喺佢弥留间先见佢，我系好遗憾，真系好心痛。”