曾志伟在《台庆》结束后，接受传媒访问，除了回应自己离巢传闻外，亦谈到台庆宣传片早前大卖关子，预告有“神秘嘉宾”，但最后未见踪影，令观众觉得被骗。志伟对此解释，神秘嘉宾其实就是AI机械人和机械狗。对于有传原本是阿伦谭咏麟，但对方最后甩底，志伟否认：“阿伦点会甩我底啊，唔系阿伦嚟。”

由于宣传片出现人形剪影，加上去年有林峰等人做嘉宾，令网民觉得似“误导”，志伟笑言：“系啊，今年就变咗有天华啰（谢天华），其实神秘嘉宾就系机械人。”

至于节目尾声的压轴现金大抽奖环节出现争议位，明明抽出了蓝色球的陈展鹏，随后又“嚟多Round”，最后由陈炜胜出，网民觉得有“造马”之嫌。志伟承认现场出现沟通误会：“其实排𠮶阵时系两轮嘅，后尾我哋觉得两轮多得滞啦，不如一轮。但一轮嘅消息可能无传达到FM听，点知FM就猛叫‘两轮两轮，快啲摆返上去’，但已经做咗啦，无可能走出嚟话唔系架。”

谈到蓝色球的谭俊彦和陈展鹏在台上有点尴尬，志伟直言：“都冇办法，就系咁啦。呢个世界上所有嘢都整定，你想结果未必一定咁，但人哋𠮶边已经庆祝咗，咁就算啦，成日都咁样。”他强调最紧要大家开心。

至于谈到王祖蓝扮嘢环节扮阿叻陈百祥，还去到他面前飞红牌。志伟直言不会嬲：“我觉得做呢行最紧要识自嘲，最好就系攞自己开玩笑，有咩咁大件事。（惊唔惊阿叻嬲？）阿叻唔会嬲挂，佢可以炒晒我哋啲阿head，几开心啊，边个接到个波就炒边个。（有无同佢讲声？）无啊，佢都系我哋tvb嘅人，明白扮嘢都系娱乐性，犹如佢做𠮶个访问我哋都唔介意。”