“黑妹”李丽霞脸上总挂著笑容，访问中时刻提醒大家：“做人最紧要开心！”近年黑妹的健康响起警号，2017年发现颈椎有一个6厘米大的肿瘤，2019年再确诊肺癌第一期，同时脑部又发现有肿瘤，让她多次出入手术室，徘徊生死边缘。

半边身麻痺颈椎骨发现肿瘤

“我呢五、六年做好多手术，执返条命！”她透露一开始是右边半边身麻痺，遍寻名医仍找不出病源，最后还是要照电脑断层扫描（CT）才发现颈椎骨有肿瘤，坦言是大手术，“喺脑同颈（做手术），最多神经线喺𠮶度㖞，其实唔使讲乜，总之入手术室，就系要等个天安排。”

感慨身边朋友离世：电话簿又少几个

黑妹感慨近数个月，身边多位朋友相继离世，她亦学懂看化生死，“哗，电话簿又少几个朋友，现在要释怀吓自己，唔好咁暴躁，面对每一件事都要开心啲。好老实，赚几多都带唔到落棺材，一定要开心！”她更一度哽咽谓：“依家对我嚟讲真系，瞓醒一日赚一日，但乐观啲，我最开心有个女，个女真系好锡我，除咗呢行，好多朋友都好锡我。”

拒绝接受标靶药治疗

黑妹直言讳疾忌医，有两年没有作身体检查，并拒绝接受标靶药的治疗。“2019年肺癌，叫我食标靶药，全部唔食。我个人意见，我自己唔食啫，因为我见我身边嘅朋友都食，食完跟住快离开我。不如我自己唔食，我唔食，但我睇中医，个人意见，唔涉及任何一样嘢，咁做我会开心啲。”一直不检查，她直言因为太过担心，她续说：“我唔想一入医院就做手术，一检查就话呢度生嚿嘢就切咗去，𠮶度有又切，两年几冇检查，最近有检查，Everything Ok！冇事。”

不过，黑妹亦有心理准备，癌症犹如计时炸弹般有机会扩散，坦白说：“永远唔会好返。”而她亦有作最坏打算，为自己的身后事做好准备，对生死已无畏无惧，“唔惊嘞，死就预咗，睇死得开心，还是点....人呢，我已经赚紧，用赚方法去处理自己心情，我多屋企人同朋友，日日陪住我，无悔啦！开心啦！”

想听黑妹李丽霞亲谈这些故事？就要上《香港01》YouTube睇足本访问！