现年32岁的前TVB小花陈诗欣（Eunice）凭节目《3日2夜》及《学是学非》弹出，更有“一件头女神”之称，她自2021年尾嫁圈外有米男友陈尔正（Joshua）后就淡出幕前，婚后搬入千呎半山豪宅，又经常周游列国，大晒奢华行头，安心过少奶奶生活。婚后积极备孕的陈诗欣，经过三年努力，终于在今年情人节宣布怀孕喜讯，更一索得男！今年7月陈诗欣顺利诞下囝囝Liam，正式荣升人母，不时分享凑仔生活，幸福满泻！早前陈诗欣自爆产后3个月已成功减了15磅，更针对私密部位做了BTL疗程！

早前陈诗欣在IG大玩“你问我答”，大方承认自己近期针对私密部位做了“BTL”：“其实未生之前已经好想做，生完之后我觉得就必须要做，大家唔好以为唔系顺产就唔会松，盆底肌点都会有一定嘅松弛，治疗师同我讲好多女士都会做！唔同年龄层嘅女士都可以，唔使尴尬㖞！”不过其后传媒报道时就指陈诗欣做了“收阴手术”，掀起热议，对此，陈诗欣日前就撰长文激动澄清：“过去两日，因为一则并不完全属实嘅报导，我嘅社交平台涌入大量留言，当中有担心、亦有不明所以嘅攻击同嘲笑。老实说，呢段时间我嘅心理压力好大，甚至有啲不安同无力。”并强调：“我希望可以再次清楚地讲一次，报导所提及嘅‘手术’并唔属实，我做嘅只系一个简单而常见嘅产后护理疗程，整个过程非常安全。事件被夸大描述，确实令我感到错愕同受伤。唔系因为我做咗啲咩，而系因为好多评论都系基于误解。抱歉令身边好多人有所误会同担心，亦带嚟好多不必要嘅揣测。”

陈诗欣坦言：“网络欺凌真系会伤人。好多网民未查证，就已经对外貌、身体、选择作出评论；呢啲说话背后，可能需要花好长时间先消化到。但我知道，我唔系唯一一个面对过呢啲情况嘅女性。好多女性、妈妈、或者曾经因为身体、外貌或健康问题被指指点点嘅朋友，都可能曾经有同样感受。如果你都经历过以上嘅情况甚至收到伤害，希望你知道，你并唔孤单。我选择以呢个形式讲返件事，唔止系为咗反击，亦系希望鼓励更多人愿意分享，愿意讨论，愿意支持彼此。亦都想提醒返大家，无论作为公众人物定只系一个普通人，你只需要为自己同身边在乎嘅人交代就可以了。”

最后陈诗欣表示希望避免再有类似误会发生，并感谢一直关心及支持自己的朋友同粉丝：“无论我哋认唔认识，我都真心感恩每一位，你哋每一句支持都带俾我力量。希望我今日呢一段分享，都可以为其他曾经受伤嘅你，带嚟少少勇气。希望大家都会继续照顾好自己，为你爱同爱你嘅人而活。”