金像影后卫诗雅（Michelle ）及转型做KOL女王的陈凯琳（Grace），日前出席《Merz Aesthetics® Gold Record Award 10周年暨颁奖典礼及记者会》担任颁奖嘉宾。谈到护肤，去年跟医美医生老公周祉安（Kenley）的Michelle，表示可以随时请教护肤贴士，但同时亦大感压力：“人哋谈情时会好情深望住对方眼睛，但我老公嘅视线就游走喺自己块面，一时话多条纹、一时话有斑，搞到我有无形压力，好多时唯有问佢点样做！”Michelle笑言，最不满意自己的高度，如果需要微调的话，她一定选择增高。

前日（24号）是Michelle的生日，收到姪仔“You Still Young”讯息而心花怒放，去年Kenley送上帽子作生日礼物，并不合Michelle心意，今年寿星女学精了，自己买下绿松石首饰，然后把账单交给首次以老公身份相伴过生日的Kenley，Michelle难忘踏入重要一刻的搞笑情景：“佢（凌晨）十二点就熄灯，叫我扮唔知、扮惊喜，但个蛋糕根本就系我同佢一齐买！”

对于生日愿望，正为新戏开工的Michelle希望拍摄顺利、身体健康及世界和平，可有计划生BB？Michelle回应：“我觉得做父母需要考牌，都有问自己，咁大责任，可唔可以教育一个人仔？我就未有资格，做妈妈太难，同埋而家我哋两个生活好正，如果有小朋友，想去旅行都要谂过。”Michelle指老公对生育持开放态度，只在乎她的感受，兼且双方家长都没有给予压力，即使领养也可以。

同样性感登场的陈凯琳，透露早前趁有三天假期，带六岁大仔飞往三亚旅行，老公郑嘉颖则留在香港照顾两个细仔，Grace说：“开学前爸爸带咗大仔去新加坡玩，今次就轮到我，大仔钟意食，好easy going，好听话唔难凑。”在三亚的最后一晚，两母子躺在酒店床上倾心事，刚升读小一的大仔，自揭仍想继续留在传统学校读书，并表示很喜欢中文科的郑老师，Grace笑道：“阿仔有爸爸同老师两个郑Sir，老师知道佢从小讲英文多，所以鼓励佢可以试吓用中文发问。”大仔尝试后即获赞赏，他亦看到自己中文有进步，加上认识到不少新朋友仔，觉得在这间学校读书很开心。

问到两位弟弟有否投诉妈咪“大细超”？Grace自言相当公平，已跟两个细仔约定明年由爸爸郑嘉颖带他们一起旅行，Grace大赞老公：“佢系好亲力亲为嘅爸爸，我好感恩身边有个咁锡小朋友嘅爸爸，呢段时间小朋友好需要家长陪伴，我就转咗型，喺屋企都可以拍到视频，多咗好多时间陪佢哋。”Grace 变身KOL相当成功，有没有考虑与嘉颖以夫妻档上阵？她说：“佢唔得，做戏对佢嚟讲最有满足感，所以我唔会逼佢做唔钟意嘅嘢，佢亦好支持我嘅工作。”