大埔宏福苑日前（26日）发生五级火警，酿成过百人伤亡的惨剧，事件震惊全球，不少艺人都纷纷伸出援手，为灾情出一分力。黄美棋同老公钟健威（Ray）昨日（27日）亲身到大埔做救灾义工，帮手分发物资，以行动协助受灾居民！

黄美棋表示与老公睇到新闻后，决定亲身到大埔帮手：“好想同大家分享一下今日嘅少少经历～香港人真系好有爱！一方有难八方支援。见到啲物资不停咁样入嚟～大家亦都好热心不停攞嘢嚟，衣物酒精湿纸巾尿片香蕉鸡胸等等咩都有！我哋亦都尽我哋嘅最快嘅速度将物资分配去唔同嘅地方～最感动嘅系有好多义工，无论系车手定系步兵，都企咗喺条街度排好耐就系希望可以出一分力🙏🏻亦都见到有好多中学生放学自发就过嚟帮手！亦都有好多年青人好落力咁帮手推物资送物❣️”

黄美棋亦感谢市民一呼百应帮手：“当我哋出哂story开大咪要反光求生毡，大家好似筹集晒全港嘅反光求生毡俾我哋咁🙇🏻‍♀️因为d求生毡我哋用单车车手拎去前线俾消防员～佢哋可能做咗好耐嘢湿晒身，亦都因为准备入黑佢哋需要保暖～我哋攞物资去前线嘅时候，烧紧嘅地方依然好大烟，所以提提附近嘅市民义工都要戴好口罩。各位前线嘅消防员，感激你哋不眠不休。请保重，补充水份，补充能量！全港市民都会为你们提供物资～亦多谢大家一呼百应！亦都多谢喺唔同岗位帮紧手嘅所有义工🙇🏻‍♀️仲有仲有唔好唔记得，就喺前线照顾救出嚟小动物嘅所有兽医们🫡”