佘诗曼现在是三届视后，在内地亦十分吃得开，但她也曾走过一段极为艰难的起步期，饱受恶评与压力，当年选美后即拍《雪山飞狐》，被当时时传媒狠批不懂演戏兼“鸡仔声”，回想当时，阿佘坦言当年是一个大挫折。

除了演技被批评，阿佘初道时更被助导粗口问候兼掟剧本，“我忍住唔喊”；之后阿佘成为双料视后，2011年离开TVB，尝试跳出舒适圈，那就经历怀疑人生。

“以前我一年请拍五、六套剧，突然间一年拍得一套，钱系揾多咗十倍，但会问自己点角咁少人揾我拍戏？系咪冇人再想睇我演戏？”

经历著人生低潮时，阿佘看了一本书，那本书教她即使面对低潮，仍要学懂感恩，或者许有人好奇，低潮还可以怎样感恩？“睇到𠮶阵觉得黐线，当时失业点揾十个好处去感恩？但原来系要我哋感恩其他东西，我哋有健康，朋友，亲人，令你心情冇咁差，之后你就会向正面方向谂，慢慢我就走出自我怀疑⋯⋯”

场地：尖沙咀丽晶酒店

一切从选美开始

佘诗曼入行经历像电视剧，又是好朋友帮手报名，加上妈妈力劝之下，她就试一试，她还记得当时面试的情况“成排人坐喺前面一张长台，跟住我就企喺中间，佢哋问一啲问题，其实我都唔记得咗佢哋问啲咩问题，紧张到癫咗，跟住问完之后呢，仲要换一套泳衣出嚟行个圈咁样啦，呢个先至系最尴尬嘅事啦，因为当时年纪好细。”
即使硬著头皮完成面试，她原本也没打算认真入行。那时她同时考上了空姐，但最后选择参选港姐。“我仲记得得搭紧地铁，航空公司打电话嚟话：‘你好啊，你就成功被取录啦！’跟住我就话：‘我参加港姐。’”

初拍剧被传媒狠批“鸡仔声”

成功摘下季军后，阿佘立即投身剧集拍摄。然而，没有科班训练的她，演技初期却备受批评，甚至被冠以“鸡仔声”的称号，让她感受到极大的挫折。“当然系极大挫折啦，即系全香港市民或者报纸都系咁讲紧你，当时我以为呀。但系唔开心嘅。”

那时她刚拍完《雪山飞狐》，但又紧接拍其他剧，当时她急想办法解决自己“鸡仔声”问题，当时楚原叔叫她在家大声读报纸，“其实佢系叫我大声讲粗口，但喺屋企大声讲粗口会吓亲隔离㖞，于是我大声读报纸，练开咗把声。”

被助导粗口闹兼掟剧本

佘诗曼拍剧初期，除了被传媒狠批外，更试过被助导无礼对待，她说：“当日佢叫我被原订拍摄时间，再早到十五分钟，但当时佢系十五分钟前，叫我提早十五分钟，点可能做到，跟住佢见到我就用粗口闹我，由我落的士𠮶刻，闹到我上服装车，换完衫落返嚟再闹，当时觉得好委屈，但我忍住唔喊，之后问我剧本喺边，其实我冇带，因为我得一句对白，就系‘唔该 妈咪’，跟住佢就一本剧本飞埋嚟，好彩唔中我”

事后佘诗曼还要出席港姐活动，之后再回来拍剧，而到她完成所有工作之后，剧务陪她上的士，当时剧务叫她“妳唔好摆喺心度啦，跟住佢一闩的士门，我就爆喊，喊到吓亲的完司机。”

夺得双料视后后 决定走出舒适圈

佘诗曼由港姐入行，之后开始拍剧，花了九年时间，在2006年凭《凤凰四重奏》获得“最佳女主角”和“我最喜爱的电视女角色”，成为“双料视后”。但她当时决定要离开TVB，寻找新挑战。“因为我一夜之间得到晒我想要嘅嘢。最想要嘅奖项都攞到咗。跟住我就喺度谂，我跟住点？我仲有啲咩目标？我仲可以点？仲攞多一次奖？另外一个原因就系九成嘅演员我都合作过，咁可能会闷㖞，咁观众会唔会觉得闷呢？如果观众都觉得闷嘅时候我先走，咁会唔会太迟呢？”

“系咪人哋唔钟意睇我喇？”

2011年佘诗曼离开TVB后，她坦言身价升了十倍，但一年只拍了一部，钱是赚多了，但郤不开心“当时心情非常低落。钱系揾多咗，钱系直头十倍咁揾多咗。但原来钱系解决唔到问题㗎，因为我会自我价值贬低咗，自我价值觉得有问题，点解我会咁少人揾我拍戏？我以前一年拍五六部戏，点解我依家一年只拍一部？我会觉得系咪Market 唔需要我？系咪人哋唔钟意睇我喇？系咪人哋已经唔记得咗我啦？好多呢啲自我怀疑。”

失业也要学懂感恩

面对自我怀疑，她接触了一本名为《魔法》的书，教她如何感恩，助她走出负面情绪。“我睇咗本《魔法》，佢教我点样感恩。系好大嘅帮助同一个鼓励嚟㗎𠮶本书。（但如果自我怀疑，仲点感恩呢？）呢个就系学问啦。因为其中有一日系话你要喺你嘅负面情绪里面，揾十个Point 去感恩。我真系头都大埋，对住𠮶本书心谂黐线，我问你，你讲十个好处啊，失业十个好处？⋯⋯原来你唔一定要感恩关于工作嘅嘢，例如我有健康，我仲有屋住，或者我今日食到好好味嘅嘢，或者我仲有朋友可以倾诉，有好多事会令到你觉得其实唔系咁差嘅时候，你嘅心情上唔系咁颓嘅时候，你就唔会移番去Negative 𠮶边啰。”

阿佘最后想通了，她亦趁著这段时间，不停看电影增值自己，而之后她在2014年遇到了《使徒行者》钉姐这个角色。亦在那年再次夺得双料视后。

不要看轻微细的机会

佘诗曼曾经历过负评，又试过被助导闹，成功后也曾跌落自我怀疑的人生谷底，问到她有什么建议给想在这一行发展的新人，她说：“我想系要坚持。你钟意嘅嘢，你一定要坚持，同一定要好Focus 咁去做，同埋意志力要好强先得。仲有你好清楚自己系咪真系钟意做𠮶样嘢，如果真系好钟意做𠮶样嘢，唔怕死咁样去做啰；唔好睇少可能系细角色，唔好睇小一啲好微细嘅机会。分分钟呢啲机会就系你将来成功嘅踏脚石。”