64岁黄日华为80年代无线（TVB）五虎将之一，演出作品无数，特别是《射雕英雄传》、《义不容情》、 《天龙八部》、《天地豪情》 等等，更是经典之作！近年黄日华鲜少出现在幕前，平日大多为踢足球，做带队带领明星足球队到各处踢足球。今日（05/12）他出席好友贾思乐的演唱会记者会时接受传媒访问，他透露已经退出幕前的消息。

黄日华与贾思乐相识多年，表示希望到时能听到他唱普通话歌。被问道，到时会否做嘉宾上台唱歌，他回答：“我谂我上台唱歌要排到好后，因为好多嘉宾都系好好嘅歌手，唱歌又叻嘅艺人。（贾思乐有留时间畀你？）我希望唔好上台献丑啦。”

黄日华居于大埔，他坦言为大埔宏福苑大火而感到痛心。“每一次出门口，返屋企，都必定经过宏福苑。心情当然系沉重，而家返去都见到一片颓垣败瓦，可想言之。当时惨情有几犀利。但系，系呢件不幸嘅事件上面，欣慰嘅系，年青呢一辈可以发挥到佢哋嘅爱心，领导能力同办事能力，香港将来必定系美好同有希望。”

早前陈百祥（叻哥）踢足球疑似踢中对手下阴一片在网上疯传。黄日华则表示不便替他回应：“我哋唔系亲眼见到，亦都唔知道来龙去脉，网上面亦都好多不实谣言，我喺度就交返俾叻哥自己解释。”叻哥平日踢足球也“十分劲”？黄日华说：“佢踢波好劲㗎，咁嘅年纪都可以奔跑，佢系一个有足球智慧嘅球员。”

访问中，黄日华也提到自己已退出幕前工作。“基本上我系已经退出娱乐圈，即系唔会再影视演出。（邀约都拒绝？）拒绝晒啦，做咗咁多年都够啦，同埋自己知道自己事，跟本去唔返以前巅峰状态，不如留返啲好嘅印象畀观众。（如果女儿出面？）佢知道我性格点样嘅，唔会开口叫我啦。”