贾思乐和廖安丽今日（05/12）出席演唱会记者会。贾思乐表示，是次《贾思乐 Happy Together Again 2026 in concert》的所有门券收益，将会不扣除成本捐予大埔宏福苑大火灾民。

廖安丽表示：“真系好感动，一个商业机构有呢个心意，已经唔系钱嘅问题，心实在太靓。”贾思乐：“好有爱心，每一次有水灾诸如此类嘅事，佢哋都挺身而出。我觉得都要出一分力。”他们都表示，如果想支持的话，不妨去睇演唱会，有歌听之余也可出一分力。

问到演唱会会不会有特别安排，贾思乐回答：“我好开心你问呢个问题。我成日都谂，点样有啲有爱心嘅歌词，正是今次大部分系同爱心有挂钩，有意思啲，睇得出唔系是是但但揾啲歌唱，再加上今次演唱会有围绕爱，会少少⋯⋯呢度唔讲住，系同感性有关系。呢样嘢希望大家到时感受吓。”

问及甘国亮的近况，好友贾思乐说：“好坦白讲，我而家都唔知甘生住喺边间医院，我都好关心，但系我都相信喺呢段期间，佢好需要休息，畀多啲空间佢，所以我都喺度祈求大家，锡甘生多啲，唔好骚扰佢，到佢康复嘅时候，佢会面对大家。”

另外，对于海俊杰的近况，廖安丽也回应：“我系唔会透露任何佢而家嘅状况，所以希望大家体谅，佢到适当嘅时候会面对大家，但系我知道佢系好多谢大家嘅关心，熟嘅朋友，唔熟嘅朋友，甚至系传媒，佢都好感激。（佢要时间调整）任何人都要。”