金牌监制伍乐城曾为谢霆锋、容祖儿创作无数经典，亦一手捧红Twins登上天团之列，今年他再战本地乐坛，从其音乐学校选出6位年龄介乎13至16岁的女生，组成全新女团Honey Punch，先后派上两首作品《蝶式》及《滑到入心》，剑指今年乐坛新人奖。入行30年，风光背后有血有汗，近日他接受雷霆881《星光背后》专访，畅谈由牛头角下邨走到流行乐坛巅峰的奋斗史，更大爆与谢霆锋、阿Sa及阿娇合作的难忘点滴。

伍乐城于牛头角下邨一家五口成长，9岁开始学钢琴、1990年远赴美国著名学府伯克利（Berklee College of Music）修读音乐制作及电影配乐，不过因经济能力所限，用了五年才完成大学：“因为每一个课程都系钱，譬如一个学期可以读六科，但我唔够钱只可以读两、三科，就好慢。”为了交学费，伍乐城求学期间兼职过不少工作，且为悭机票钱五年都冇返过香港，他称：“Waiter、唐人街卡拉OK打碟都做过，最影响我系做Berklee音乐厅嘅带位，因为所有有名嘅Musician嚟Boston开骚，都会嚟我哋学校，呢份工无得坐系好攰嘅，但乜嘢骚都会睇，譬如音乐剧、Heavy Metal、Jazz，甚至最劲嘅Celine Dion，系令我领略何谓先入为主，好多嘢我以为无乜特别，但表演期间原来玩得好正！”

伍乐城1995年回港加入许愿星工厂先做《山水有相逢》电影配乐，因而遇上人生两大伯乐黄伟年及赵增熹，亦因赵增熹1996年监制梁汉文的专辑，让伍乐城写了首支大热作《衣柜里的男人》，继而再获英皇赏识，先后为谢霆锋监制《无声彷有声》、《爱后余生》、《非走不可》等经典。

外界总觉得霆锋寡言又火爆，伍乐城却说：“我同佢合作无嘢㖞，同佢沟通系最简单直接！最记得《非走不可》，因为佢一边录我一边谂到歌名，最初公司觉得唔吉利唔想用，系霆锋撑呢个歌名。”亦因霆锋的成功，英皇决定将未出道的Twins交到伍乐城手上，校园情怀、青春能量，顺利帮Twins走上当红偶像阶梯，伍乐城说：“好多谢佢哋公司畀我哋好大自由度，无乜理我同填词人点设计。”由Twins未出道到成名后多张专辑，伍乐城见证二人的爆红辛酸，表示：“佢哋好早已经忙到死，一年等于人哋五、六年，未出道仲好啲，佢哋嘅schedule系痴线嘅，突然间就话要出，唔系一首歌㖞，系一只碟，好彩系两个，嚟到一个瞓一阵先，一个叫嘢食录歌先，所以连我根本都无得瞓，但亦训练到我无乜问题解决唔到。”

伍乐城跟四大天王也先后合作过，他承认其中一次梦幻经验，是监制及灌录刘德华及梁朝伟合唱的《无间道》，令他登上金像奖颁奖台，摘下2003年金像奖最佳电影原创歌曲。谈及获得为这经典电影创作主题曲的机会，伍乐城自揭要击败众多竞争对手，“我哋写歌都系靠投稿，我要再次好多谢陈德建先生，当时佢处理晒刘德华先生嘅电影，好记得当时我食紧饭，求其问佢要唔要歌，佢话有套电影，故事系：‘兵就系贼，贼就系兵！’就系咁多，我就即刻谂到Intro，仲即时喺餐厅攞张纸巾写喺上面，其实我写好多歌都系同人食紧饭，《风筝与风》都系咁写出嚟。最后好好笑，陈德建话恭喜我，佢哋最后拣咗两首，其中一首系我，咁仲惨，我𠮶阵几日都瞓唔著，End Up中咗，系好开心。”