庄思敏今日出席匹克球明星赛，她表示有参加这场明星赛：“玩咗两年匹克球，上年比赛过，觉得气氛好好，比赛同平日练习唔同，可以有提升。其实我前日完成咗女双比赛，成绩惨不忍睹，觉得对唔住我partner，唔够时间练习，下年再嚟过，要好好练习，今日参加明星赛玩下。（几时开始玩匹克球？）两三年前，喺马来西亚好流行，𠮶时有朋友叫玩，之后返香港就试下，呢个运动比较安全同埋易上手。我算系香港早接触匹克球嘅艺人，有艺人玩得好好，甚至开咗匹克球场。”

问到庄思敏她老公可有一起玩匹克球，她说：“有呀，佢会强迫我做运动，呢个可以一齐玩，佢仲提出下年参加混双。（会唔会打波打到有拗撬？）一定会，越熟越易有拗撬，会觉对方拖累彼此，会话佢有无搞错咁都接唔到。”提到生BB问题，庄思敏坦言：“暂时唔考虑生BB，好大责任，双方亲友都无压力，佢自己都唔系太钟意小朋友。”对于有报道指庄思敏与老公并没有签任何法律上的文件结婚，她坦承觉得不需要靠一纸婚书去维系两人的关系。问到早前她说被走数一事，她表示金额涉及6位数，仍在努力追回。

庄思敏又透露今早有去投票，尽公民责任。谈到大埔宏福苑五级火灾，庄思敏表示：“心情当然好沉重，身边都有朋友住𠮶区，我哋都有联络慈善团体睇有咩可以帮到手，无论金钱定出力，政府救灾工作都做得好好，大家留意后续仲有咩需要帮忙。”