刘纬民是70年代的电视小生，当年从TVB跳糟到丽的电视后，凭剧集《大家姐》饰演姑爷仔“昌少”一角崭露头角，其后在《变色龙》、《天蚕变》、《奇女子》、《陈真》等，他在1985年退出娱乐圈，进军商界成为珠宝大亨，近年静极思动，在《逆天奇案2》客串，现时更进驻小红书，跟网民互动交流。

日前刘纬民接受好友钟慧冰的YouTube节目访问，钟慧冰一开始就笑指刘纬民是全港有史以来“最出名姑爷仔”！刘纬民的感情生活一向成谜，曾于1980年与苗可秀拍拖，但一年后因性格不合分手。早年刘纬民又曾与粤剧名伶白雪仙过从甚密而传出拍拖绯闻，刘纬民解释当年楚原、何守信等一班朋友经常到任姐家中打牌、吃饭，而他被视为“新力军”，他说：“佢哋成日拉住我哋呢啲新力军同佢哋一齐玩，去玩好舒服，又有饭食，摆满台嘅𩠌，佢哋都需要人陪，尤其任姐成日都要揾‘脚’（打牌），佢成日都一缺三。”

被钟慧冰追问要讲仙姐，刘纬民续说：“咁任姐一定讲埋仙姐，两个系一对出入，所以拉埋我哋成班人，仲有做粤剧啲人，所以食亲饭都一大围。”刘纬民指任姐和仙姐都很锡他，他说：“好多时饮下午茶都会叫人问‘刘纬民得唔得闲？’，咁我𠮶阵冇咁多戏拍，成日都好得闲，好多时咪去见面。不过好多时饮下午茶时间，好似系得我出现，好少其他人，可能叫得多，咁新闻要做先叫有新闻嘛，把口喺人哋度。”

刘纬民亦被问到与苗可秀的一段情：“𠮶阵大家一齐工作，忽然间大家互相欣赏到大家的长处，又钟意玩，咪大家一齐拍拖啰。拍拖开始嘅时候，大家开心，因为大家互相欣赏大家嘅优点，但系时间可以证明啱唔啱。”

75的刘纬民保养得宜，表示自己好钟意做运动，坦言希望自己身体健康：“喺香港我觉得真系唔病得，亦都病唔起，直头入次医院，好似畀人打劫，做个手术点样都要几十万。”他觉得开心是最重要元素，他说：“开心可以令到你个人健康、活泼，情绪又好，跟住生活习惯，饮食都留意下，学刘松仁话斋，做人最紧要就系‘五得’。边五得呢？食得、瞓得、行得、屙得、讲得。”