香港首位华人女骑师江碧蕙和练马师李格力在1997年结婚并育有大仔李国铭 (Samuel）以及细仔李国宝 (Anthony) ，两人在2016年7月离婚，翌年江碧蕙与法籍网球教练Jerome结婚，生活幸福。 日前江碧蕙接受资深传媒人汪曼玲的YouTube频道的访问，表示她年轻时曾渴望生四个孩子，打算35岁前可以生四个小朋友，可惜事与愿违。

江碧蕙在访问重提当年为了生小朋友而尝尽苦头，她因为肾脏病变而打乱了生育大计，与前夫努力了一段时间都不成功，最后需要去做人工授孕试管婴儿。江碧蕙说：“我1999年𠮶阵做人工受孕，𠮶时我先23岁咋，我做𠮶只系最传统𠮶种，抽卵嘅过程真系好鬼辛苦，佢会畀啲气你闻，闻到你个人晕晕地，跟住又冇麻醉，就咁喺子宫将啲卵子刮出嚟。”江碧蕙试尽了当时做人工受孕的两个方法，分别是打针和喷药：“我打针系因为我产生嘅卵太多，太多嘅时候品质唔好，我抽咗三次，每一次我都有十几颗卵，我谂想做一个妈咪，𠮶个过程你唔会觉得辛苦，最辛苦反而系摆完之后唔中。”

江碧蕙讲述求子路上的辛酸：“头三次我摆完之后唔中，我喊到崩溃，因为我当时老公个的家姐都做咗，佢嘅卵巢有问题，但系佢做一次就中了，另外有个骑师是意大利人，佢都系卵巢有问题，都系一次就中，我乜嘢问题都冇，但系都唔中，你话几伤心？做咗三次之后，我休息咗一段时间，然后我前夫就问我：‘其实如果你真系好想呢，继续做啰。’我休息咗三个月之后，开始再做，但系又系唔中，我就再抽卵，摆咗6次、第7次，都系冇，本来我谂住换个环境去外国做，然后香港嘅医生就跟我讲话有有三粒，叫我用埋佢，但系我话我要去泰国，我要去打波，我要去Golf，我要去游水，要去晒太阳，但系佢都叫我摆埋佢。”

江碧蕙指最后这次她的心情完全放松，甚么都不管，所有不可以做的事她全都做了，亦有与前夫行房，结果覆诊时发现原来已经成功了，令她喜出望外：“原来当你好放松嘅时候，咁就有咗，好奇怪，到而家我个仔都24岁，似系一场梦。”江碧蕙笑称人生就是很得意，第二个是自然怀孕的：“无端端就有了。”