去年曾傲棐（Arvin）跟女团Lolly Talk成员Sinnie合作年度Medley，影片上架后，即一度停留Youtube热门音乐影片二十大。今年Arvin再下一城，他的“年度歌曲精选Medley”企划，找来今年杀入“叱咤2025我最喜爱组合”五强之一的乐队“晚安莉莉”一齐玩，将2025年的年度歌曲一次过大晒冷！

去年影片成绩亮眼，今年更犀利！影片上架未够24小时，已经极速冲上YouTube香港区热门影片榜二十大，两日内更升至第九位，不少网民都话要疯狂重温，又谓是每年最期待的影片之一。问到是否想将这个Medley变成年度指定动作，Arvin话：“希望有呢个能力啦！每年都有好多好歌，有啲系Greatest Hit，有啲系遗珠。做呢个Project除咗想大家回顾一年嘅作品，都想自己听返啲听漏咗嘅好歌。”

找来“晚安莉莉”合作，原来他们早于今年八月的“JFFTLIVE音乐擂台现场版”已经结缘，“演唱会揾咗佢哋，然后上年又揾咗Sinnie（晚安莉莉主音），佢哋（晚安莉莉）又作为今年新人单位，成件事就好自然咁样走埋咗一齐。”佢就超级兴奋：“唔理大家觉得夹唔夹硬，啲歌编排夹唔夹，或者出嚟效果好唔好听，我哋就玩得好爽！好少有呢种一齐Produce件作品出嚟嘅感觉。”一年下来有不少歌曲推出，Arvin拣歌准则直接又霸气，“每年都系一样：我哋中意。”问到众多歌曲中他最喜欢哪一首？他笑着说：“《第三人称》，唔系唔推自己歌下话！”

影片出街后，除了获得不少网民大赞“好正”，同时亦有网民留言指Arvin跟Sinnie合作很有火花，画面好Sweet，Arvin搞笑回应：“我系清白的。”唔知fans收唔收货呢？除此之外，Arvin又透露正在筹备拍摄更多音乐向的影片，目的是自肥一番，“俾自己过多啲歌瘾，但讲到年度歌曲咁就梗系keep返一年做一次就够晒数，哈哈。”