吕爵安（Edan）今日（14日）出席 《模范的士3》：E先生驾到活动，分享拍摄韩剧《模范的士3》的趣闻，并与剧迷重温名场面，他很开心在角色完结后仍有机会与大家见面。他又透露韩国制作方在构思其角色造型时，有加入90年代风、《无间道》天台等元素，造型亦有向梁朝伟、刘德华致敬，相信是导演想起香港电影就会想起《无间道》。

讲到与韩国影帝李帝勋做对手，感觉如何时，Edan表示：“同佢多数都系拍摄现场，佢好Nice，但系我都怕羞，费事打搅佢，对白上都会试几次，倾吓点样演，戏剧上嘅交流。前排去𠮶边同佢拍少少片段，见返佢都觉得佢真系好Nice，永远都好好笑容，令到你好安心好温暖，唔需要担惊受怕。”

早前MIRROR因宏福苑大火而不出席《2025 MAMA Awards》，而在12月31日及1月1日的活动上，他们终于再有机会合体表演，Edan透露正在排练当中：“今次系12个嘅表演，有好多团歌，有啲好耐冇跳过，都要重新记返啲Step啲位，已经排咗一转，大家好似荡失路嘅小朋友，明明大家已经跳过，我记得我喺𠮶边嘅，跟住又要睇返条片先有啲好零碎嘅记忆。”至于会否将MAMA上冇机会表演的环节放上除夕及元旦show，他表示：“到时睇就知啦，我哋自己好想嘅，始终准备咗一段长时间，同埋因为有啲歌系重新编排过，一生人一次嘅表现，我哋都好希望唔好嘥，俾大家睇到。”

ERROR成员193就在社交平台透露，在除夕与EMIRROR、COLLAR、ROVER、P1X3L、5G及Lyman的“家族show”之中，ERROR只有两首团歌，冇机会唱新歌solo，似乎有点不满，并指：“我都想知点解，solo歌又冇得唱，ERROR加埋得两首，有冇人可以帮我问吓监制。”Edan透露倒数活动上会唱Solo歌，不过自己都对两日的rundown有点混淆，要睇公司安排，他说：“我都当然希望大家各自有表演空间，我知31号除咗团同埋solo表演之外，我哋各自有一啲Crossover，同其他组合嘅Crossover，或者同其他唔同成员嘅Crossover，唔系MIRROR里面，应该有新鲜感大多畀大家。”

此外，虽然MIRROR数月前已宣布因为撞时间而不会出席1月1日《叱咤》，但近日陈志云表示自己收到风有一两位成员会赶回香港出席，对此Edan回应：“我就冇收到通知嘅，我31号同1号都系喺澳门表演，表演都去到夜晚，所以我都唔知道时间上做唔做到呢件事，我自己就未有通知需要出席，同埋我哋31号同1号都系团嘅表演，我冇收到呢个资讯。”根据商台日前的数据，Edan的《纯银子弹》目前是“我最喜爱的歌曲”最后十强，Edan感谢支持，呼吁大家大家把握机会踊跃投票，但就不会刻意拉票，他说：“一首歌好唔好听，传唱度高唔高，大家都知道。”