现年58岁的“大只Rocky”郑健乐日前在社交平台高调宣布与37岁的性感女神崔碧珈“恋爱中”，惟“恋情”曝光仅三日即峰回路转，被女方划清界线坚决否认恋情。有大批网民替郑健乐不值，崔碧珈亦不甘不弱，回应网民“会唔会有可能其实我先系受害者，俾人摆上台博宣传呢？”，引来网民一地花生。

对此，郑健乐今日（17日）凌晨在Facebook发文解释与崔碧珈的认识经过及两人的关系：“多谢大家近日对我同崔碧珈嘅恋情咁关心！Anita系一个好勤力认真工作同不停学习求进步嘅好女仔，呢个亦都系我非常欣赏同钟意佢嘅原因。喺呢到我想交代一下，我同Anita喺上个礼拜上健身堂先第一次真正见面同认识，同佢上咗两次堂之后，上个礼拜五晚佢为咗答谢我，佢喺佢自己嘅社交网站post我哋嘅运动合照同埋tag咗我，并且落堂后请我食饭。食饭过程我哋有好好嘅交流，我觉得大家将来系可以发展落去嘅。”

提到Facebook的恋爱status，郑健乐解释：“食完饭之后，我哋各自返咗自己屋企。当晚因为我想正式向Anita作出追求同埋俾个惊喜佢，所以系冇事先征求佢同意之下，就喺自己私人Facebook更改咗同佢嘅恋爱关系。我成个动机其实系希望佢第二日喺屋企瞓醒时，睇到个Facebook通知之后，会感到开心同埋接受我嘅爱意，并且知道我对佢系非常非常认真！但系因为自己玩社交网站唔叻，我以为私人嘅Facebook系唔会有其他人睇到，我亦以为更改status，必需对方确认先会show到出嚟。点知原来Anita未确认，个status都会show出嚟喺我个私人Facebook，变咗所有人都睇到。我作为艺人，实在呢件事系自己太大意，令大家作出不必要嘅揣测，变得戏剧化，越描越黑，令Anita饱受负面舆论同压力，呢个绝对唔系我嘅原意！所以我要为呢件事负上责任，决定出嚟讲返成个事实嘅经过。”

最后，郑健乐更表示与崔碧珈现阶段是好好好好朋友，仍在了解中：“事情被发酵到咁样，而家我只可以讲我哋嘅关系，系好好好好朋友，仍然处于互相了解当中，亦当然因为大家认识只有一星期，绝未有过任何亲密和亲暱行为。希望大家俾啲空间我哋，爱护幼苗，如果将来有好消息先会再同大家分享，感谢！”