ERROR的郭嘉骏（193）与COLLAR的王嘉晴（Candy）早前因一齐打边炉被传秘恋，两人其后解释只是拍片宣传新歌，但未有明确否认恋情。近日193宣传新歌《你的名字我的圣诗》、COLLAR宣传新歌《下次不如相信自己一次》，受访时两位主角少不免被问起恋情，亦有大方回应。

Candy表示绯闻纯粹是“美丽的误会”，虽然自己喜欢高的男生，但要拍拖最主要视乎相处是否合得来，暂时与193未知算不算“夹”；而Ivy亦大爆193有个“发达大计”想开舞台剧时，COLLAR搞笑说自己都想开，打算揾193做“金主”。而193受访时则笑言自己考虑清楚，决不承认及决不否认恋情，这样或许可以情侣档吸金，又指自己都约过Ivy一齐拍Reels，不过对方表示“唔想俾人影到”，才坚拒坐193顺风车。

有人dm 193指他不要利用“𡃁妹”宣传，更指“麻烦你要做渣男都唔好搞COLLAR！！Candy系好女仔嚟㗎！！”他以自己的七字名言：“关你咩事呢毒X”回应后再将对话贴上网，之后就引起两边阵营激辩；虽然193其后将帖文删去，但昨日（16日）他却在社交平台自爆已不止一次被COLLAR的“所谓fans”骚扰。他发文：“大家都知我访问成日乱噏嘢，亦都提及好多其他艺人，我从来都冇受过呢啲滋扰。我见佢哋访问都有提及我，我访问提及返佢哋，而我哋本身系朋友，大家都觉得冇问题，访问好多时都系讲笑，无伤大雅㗎嘛，但系某啲毒粉觉得有问题而jer住我，令我觉得有啲困扰。”他续说：“我比较少留意，所以想问吓领粉，以后系唔系所有艺人都唔可以提及Collar㗎？如果系嘅话我帮你哋同其他艺人朋友同埋记者讲一声，免得以后有啲咩拗撬或者唔开心嘅事发生🙏🏻 ”

而193在发文后继续舌战网民，除了COLLAR外，想不到就连Lolly Talk都被拉落水，有网民说：“你玩呢啲嘢，人哋行紧咩路线啊？真系好避忌。你193真系当人系friend嘅当人系同事嘅，你点都会谂吓点样保护佢先。有啲人表现激动唔代表你嘅行为系啱，觉得自己冇问题，暗示人哋小气，你个File花晒，人哋个File系干净。呢一两年先有返啲少少成绩，你193攞呢啲嘢嚟玩，Lolly Talk点样死㗎？大家心知肚明啦 ! 迟早变成下一个保锜，今次193系Over咗呀嘛。” 不过193继续霸气回复，指多谢赏识，更谓：“我都估唔到我咁有影力可以搞死LT，有啲佩服自己，睇嚟好多娱乐公司可以请我做打手，今次真系知我咩料啦😎但又如果我真系如你所讲咁有影响力，你哋啲粉丝仲够胆得罪我，即系其实好想睇自己偶像GG吗？你系唔系假粉嚟㗎？”

“女主角”Candy亦不得不两度上水回应及安抚fans止血，昨日下午她在与Fans的Telegram群组中留言：“知道大家呢两日好有火，但大家唔好嬲。我想见到你哋和和平平，开开心心咁留意COLLAR动向，其他嘢就唔好继续讨论，爱你们。”未知是否见193仍持续与网民交手激辩，一向早瞓的Candy竟于凌晨4点几在TG“上水”，她以歌名《下次不如相信自己一次》开玩笑，表示要“不如等我认真回应一次”，Candy续说：“事件起源系关于‘绯闻’，其实杂志封面出𠮶阵3爷已经有问过我开绯闻玩笑问我介唔介意，我觉得几fun同埋平时ERROR访问讲嘢都系搞搞笑笑咁，所以我就话OK唔介意呀，所以我事前系知道佢会讲笑咁玩嘅。大家唔使担心我会有咩hard feeling，大家本身都系朋友，同埋都玩得，都唔介意大家访问互提。”最后她又叮嘱粉丝“晴天蛙蛙”们：“知道大家都乖～唔好将件事发酵落去。嚟紧COLLAR有好多活动，大家可以期待下！！！”

.