卫兰的经典歌加上其天籁声线，在乐迷心中早已是天后般存在，能有此成就，伯乐黎明与雷颂德绝对功不可没。近日卫兰接受周国丰的YouTube频道“Kwok Fung Encyclopedia”访问，讲到与两位的相处点滴，她不讳言儿时在四大天王中已最爱黎明，18岁签约到他旗下如梦想成真，未料竟等了五年才能出碟，等待过程中却碍于合约所限不能去其他地方演唱，以致推辞了许多演出机会，使她相当沮丧和心急。她又大爆黎明与雷颂德严厉一面，透露《心乱如麻》录制过程中，黎明嫌卫兰唱得不好听，结果录完又录，一首歌录足六个月才收货，又表示：“佢有个气势令到大家都好怕佢。”

卫兰指当初首次进录音室录制的歌曲是《情深说话未曾讲》，由侧田做监制，当时她中文不灵光，未能预计大碟出来后的反应。讲到一手签她至旗下的老板黎明，卫兰表示：“就算我喺生命里面遇到Leon，我都已经觉得系一个dream， because我细个时候，佢系四大天王里面，我最钟意嘅男歌手。”当周国丰追问原因时，卫兰怕丑笑说因为黎明很靓仔，又说：“我第一次听佢《一夜倾情》呢只歌，我就已经觉得i really like him，所以就系有机会碰到佢，我觉得系上帝安排。”

二人初次见面是在雷颂德（Mark Lui）的录音室，原来Mark Lui在DJ Tommy的专辑听到卫兰的声音，觉得很好听，遂邀请她帮黎明唱和音，结果一take过！卫兰忆述：“佢就好似好impressed（受打动），原来我录紧嘅时候Leon喺度，跟住佢就听到我录音，跟住我出嚟佢就叫我坐低，问我有冇兴趣同佢一齐签，做一个Recording artist，我𠮶时18岁。I was like”OH MY GOD! Yes! Of course!”卫兰丝毫没有犹豫就答应了，因为她当时已很想做歌手，亦在酒廊等不同地点唱歌，有了这个突破，有机会出碟，她当然“𦧲饭应”，不过她说：“但系唔知道原来签咗嘅时候，要等五年后先出第一只碟。”

周国丰认为黎明的公司安排是有部署的，因为确实当时卫兰中文太差了，当问到等待期间会否很心急，卫兰直言：“好心急呀！因为大家话白羊座嘅人冇乜耐性，哈哈哈！But，我𠮶时系好心急㗎，但系原来我系好需要呢五年时间去准备自己， everything有佢嘅完美嘅时间。（周国丰：𠮶五年会唔会有啲时间好frustrated?）有㗎，同埋因为我𠮶时同佢签咗contract，话我唔可以去其他地方唱歌，我exclusive咗俾佢，呢part系最辛苦，因为我真系有好多唔同嘅机会，好多朋友邀请我去唔同嘅地方唱歌，and i want to！我唔想就咁坐喺度等，唔知等乜嘢。”

谈及与黎明、雷颂德相处的片段，二人会否很恶等，卫兰透露雷颂德只发恶过一次，惊爆：“佢净系恶过一次啫，就系录《心乱如麻》嘅时候，𠮶时系原来用咗六个月时间录呢只歌！（周国丰：六个月？）六个月呀，半年啦，系呀。（周国丰：我真系未听过…六个月，你话六日就话啫。）系，因为录咗之后又唔够好，不停录，又唔够好，跟住有一日Mark Lui要返嚟录音室同我继续录，佢唔舒服，我又唔想返嚟啰，懒啦，or whatever，跟住入到去佢就发脾气，我记得我我演唱会嘅时候都有讲，哈哈，but，一次啫。大家情绪唔系好好，唔舒服。”

周国丰再追问录《心乱如麻》时到底是什么原因不达标，她直言：“系Leon唔满意⋯⋯”周国丰指自己过往访问黎明都好似“闹交”一样，时常互窒，卫兰续说：“大家都好惊佢！所有同事都…（周国丰：因为佢有时讲嘢好倔）系㗎，佢唔知有个气势令到大家都好怕佢。（周国丰：佢唔满意啲咩？佢有冇讲到俾你听？）总之我做得唔好啦，唔够好听，所以一路做又录多次，又重录，大家都好fed up呢件事，我觉得好烦呀，所以大家情绪都唔系咁好，都系𠮶一次啫。”不过歌曲面世后反应大好，卫兰也深感值得，相信每件事都有其过程；然而，她并不认为《心》是自己最难唱的歌，反而《大哥》、《爱你还爱你》更难，即使是现在演唱《大哥》，她仍然会有压力。

虽然黎明与雷颂德有严厉一面，但卫兰跟两位前辈还是有很多美好回忆，她说：“Leon……有一次佢同我讲佢最欣赏嘅女歌手就系王菲吖嘛，有一次佢话我唱得好好。我唔记得边首歌，𠮶时系JW啱啱出道，我记得喺佢嘅show，我系客串做佢嘅嘉宾，唱我自己只歌，but，我唔记得咗我唱边首，佢（黎明）有嚟后台赞我，其实因为Leon好少赞我嘅，所以he does that，我觉得好开心。”

至于雷颂德，卫兰跟他相处时间很多，一只碟都用足两年，幸好每当她自责唱得不够好、或是自觉陷入低潮时，雷颂德都会用说话给予鼓励，甚至她也是因对方而爱上打机。当讲到有哪些建议对她帮助最大，卫兰说：“佢会讲啲嘢系，‘你有一个好独特嘅声音，like a天使嘅声音。’因为佢系一个我好尊重嘅人，when he says that，我系会好被感动。我每一次开演唱会同观众讲多谢Leon、多谢Mark Lui畀好多好歌畀我， because it’s true，呢啲歌好影响到我成个旅程。”