陈懿德与罗天宇同游埃及引起不少注意，有人更言是高调晒幸福兼曝光恋情。今日（22/12）陈懿德出席记者会时接受《香港01》访问，虽然没有避谈恋情，但依然保持一贯作风的回避问题，相当有趣！

她说：“埃及系好啱一团人去，所以我哋系一大团朋友去。我觉得去完真系几开心，七大奇观之一嘛。我拍咗好多片，都谂住出片去介绍呢个地方。（而家同罗天宇系半公开？）我哋不嬲个好朋友关系都系公开㗎，大家都系几好几好。（呢个答案麻麻哋）咁我返去谂吓，下次再答你呢个问题。”

会不会公开关系？她又回答：“唔系呀，我哋都好舒服而家呢个关系。（公开啲，佢少啲狂风浪蝶）我觉得关系系双方嘅。（你都好多人追？）又唔系咁讲，我意思系大家互相信任，大家都开心先可以keep到。（佢好多人吼住）系咩？咁我戥佢开心，证明佢系一个好男仔。（你有冇人追？）我还好啦，都冇乜特别，因为我专注工作。你好似好为我担心㖞。（你都知佢花名系乜）呢啲都系一个标签啫，又唔系真系咁嘅，系咪先？佢都提名最佳男配啦，证明佢对工作系好有要求，同埋好上进，都系一个乖仔，最听公司话嘅。”