何沛珈获提名“最佳女主持”奖项，昨日（22/12）她出席记者会时接受《香港01》访问。她坦言为此感到开心，表示能够进入十强已十分荣幸。“今次入到围我已经觉得好开心啦因为公司其实好多主持嘅人才，我去到十强，所以我觉得已经系赚咗。同埋今年我觉得最开心嘅系因为喺主持方面开始有更加多嘅谂法，亦都慢慢地有自己嘅方向。”

有没有信心得奖？她回答：“信心我觉得要有嘅，总之点都要畀信心自己，但系呢种信心系，𠮶种我有信心可以愈做愈好！其实今年都收到好多嘅建议，话觉得我系主持方面愈嚟愈有把握，所以我觉得好开心大家都会见到我有进步。”她也表示，觉得汪明荃（阿姐）、陈贝儿、车婉婉、朱凯婷和陈庭欣都是大热人选。

早前传波波（黄婧灵）因台庆时衣着太性感而失去担任慈善骚主持机会，何沛珈则表示“着衫最重要适合自已”。“拣衫最紧要拣适合自己同埋有个人特色嘅。（会唔会以后着得保守啲？）我认为我自己钟意嘅衫都系偏型格，性感嘅话就睇吓𠮶一期揾到啲衫系点啰，睇吓自己身材有冇走咗样嚟拣，但系喺我哋慈善节目嘅衫通常都系公司准备㗎。”