人气乐队Dear Jane今（25日）现身会展出席“香港冬季购物节2025活动”，在现场一连唱三首歌曲与大家共度圣诞，气氛相当之好。而在接受传媒的访问时，问到圣诞节如何度过，主唱Tim（黄天翱）就表示同家人度过：“我哋每年都会买晒啲礼物，跟住24号晚就同佢哋（子女）讲：‘今晚早啲瞓喇，圣诞老人嚟啦㖞。’跟住我哋就会叫佢摆杯奶同整啲曲奇喺度，写封信畀圣诞老人，跟住佢哋瞓咗觉之后，我哋就会做我哋啲手脚，到第二朝起身嘅时候，佢哋就会话‘圣诞老人真系嚟咗㖞。’好开心。（佢哋有冇问世界上系咪真系有圣诞老人？）有呀，你同佢讲冇佢都唔信，大𠮶个开始估到咩一回事。”而他们亦表示忘记了买圣诞礼物给另一伴，但相信另一伴会明白的，因为作为艺人始终工作不定时，难免会忘记一些事情。

而提到早前在香港完成成军20周年演唱会，问到会不会冲出香港以外地方开唱，Tim就表示：“嚟紧三月已经确定咗去澳大利亚、美加、星马同埋英国，咁样铺排落去。”而在旁的Howie（翁厚梁）亦透露明年将有一个计划：“跨几只碟嘅一个project。”需要创作、制作、录音等，扬言明年会好忙。

另外，提到小仪（阮小仪）在今日无预警宣布结婚，Tim就表示：“佢讲得出嚟，即feel到幸福同埋开心先至话畀大家听，所以戥佢开心。（之前知唔知佢有另一伴？）冇乜点理，但又唔surprise，我觉得会有嘅，同埋佢都似将佢啲私生活比较收埋啲。”替对方感到开心。