昨日（25日）是圣诞节，不少艺人都选择陪屋企人或过二人世界，但入围《万千星辉颁奖典礼2025》“最佳男配角”十强的丁子朗就选择在这天出动拉票！他昨日下午在铜锣湾街头进行拉票活动及与粉丝见个面，最惊喜的是现场有一架大型“应援车”，不停循环播放他在剧集中的精华片段。

丁子朗接受《香港01》访问时表示见到应援车后表现得既惊喜又尴尬，他笑言：“好神奇啊！首先我完全冇谂过，系一个好大嘅惊喜。我都系第一次见到，甚至有啲受宠若惊，同埋有少少尴尬添。（点解会觉得尴尬？）。因为喺条街度不停播住自己条片啰。可能其他人睇返自己嘅剧都会有啲尴尬，而家系喺条街度播自己套剧，仲要叫大家睇，我都有啲惊㗎。”

丁子朗被问到剧中最难忘是哪一个画面，他即笑指：“我谂剪片𠮶位一定系好有心思，特登剪咗啲我唔著衫嘅片段出嚟。我真系好惊，好尴尬。本身我都系一个比较外向嘅人，但见到咁样即刻变咗个‘I人’。”现场亦聚集了不少支持者，更有粉丝特意前来为他加油及投票。

丁子朗透露31号会与粉丝一同倒数，更会现场献唱新歌：“因为大家听我做Show都系唱𠮶几首歌，今次有新歌听，大家可以期待吓。”被问到会用什么招数拉票时，丁子朗就大方表示：“我有谂过送小礼物或者同大家Free Hug（自由拥抱），想俾啲温暖大家，大家记得投我一票呀！”见到丁子朗咁落力，睇嚟对今年男配角一奖真系信心十足！